სკოლა და ბაღი უნდა დაიკეტოს სულ ბოლოს და გაიხსნას სულ პირველი- ამირან გამყრელიძე
დაავადებათა კონტროლის ეროვნული ცენტრის ხელმძღვანელის, ამირან
გამყრელიძის თქმით, ამ ეტაპზე სკოლების დისტანციური სწავლების რეჟიმზე
გადასვლის საჭიროება არ დგას. მისივე თქმით, ამ დროისთვის
საგანმანათლებლო დაწესებულებებში ინფიცირების შემთხვევები 10%–ს არ
აღემატება.
„მესამე ტალღა მთელს ქვეყანაშია დაწყებული და საყოველთაო გავრცელება
გვაქვს. ბავშვები შედარებით იოლად იტანენ ვირუსს. რომ გითხრათ, რომ
ბავშვებში ვირუსის გავრცელება ძალიან ბევრია, არ არის ასე. ამჟამად
სკოლების მხოლოდ 10%–მდე იყო ინფიცირების შემთხვევები. ზოგადად
მიღებულია, რომ სკოლა და ბაღი უნდა დაიკეტოს სულ ბოლოს და გაიხსნას
სულ პირველი. ამიტომ ვცდილობთ, რომ სკოლები ნაკლებად გადავიდნენ
ონლაინ სწავლებაზე “,– განაცხადა მან.
მასალის გამოყენების პირობები