პარტია „გირჩის“ წევრები, ვახტანგ მეგრელიშვილი, სანდრო რაქვიაშვილი
და იაგო ხვიჩია პარლამენტში მივიდნენ. მათი თქმით, დღეს პარლამენტში
მისვლა ტექნიკური ხასიათისაა.
„ეს ჩვენი საარჩევნო კამპანიის ერთ-ერთი ფორმაა. ორი ოფისი გვაქვს,
ერთი აქ და მეორე - აგერ, რამდენიმე ასეულ მეტრში. ოპოზიცია მიდის
რეგიონებში საარჩევნო კამპანიისთვის. ჩვენ ამის არც რესურსი გვაქვს და
არც სურვილი. ამ საპარლამენტო ოფისს გამოვიყენებთ მომავალი
არჩევნებისთვის, როგორც ჩვენს პლაცდარმს. ეს იქნება „გირჩის“ სამეფო“,
- აღნიშნა ვახტანგ მეგრელიშვილმა.
მანამდე მათ ევროპული საბჭოს პრეზიდენტის, შარლ მიშელის მიერ
საქართველოს პოლიტიკური პარტიებისთვის შეთავაზებულ ახალ წინადადებას
ხელი Facebook-ის პირდაპირ ეთერში მოაწერეს.
მასალის გამოყენების პირობები