რამდენიმე წუთის წინ სტიქია იყო გურჯაანის მუნიციპალიტეტის სოფელ კაჭრეთსა და არაშენდაში.

ადგილობრივების თქმით, დაისეტყვა როგორც საკარმიდამო, ისე სასოფლო-სამეურნელო ნაკვეთები. განადგურებულია ხეხილი. ასევე დაზიანებულია საცხოვრებელი სახლების სახურავები და ღობეები.

კაჭრეთის მცხოვრებლების თქმით, სეტყვა 16:45 საათზე დაიწყო და დაახლოებით 10-15 წუთი გაგრძელდა. 

















სეტყვის ამსახველი ფოტოები და ვიდეოები ადგილობრივების მიერ სოციალურ ქსელში ვრცელდება