“სინოფარმის“ ვაქცინის მეორე დოზის მისაღებად დარეგისტრირება მოსახლეობას დღეს საღამოს რვა საათიდან შეუძლია.

დაავადებათა კონტროლისა და საზოგადოებრივი ჯანდაცვის ეროვნული ცენტრის ინფორმაციით, „სინოფარმის“ ვაქცინის დოზებს შორის ინტერვალი 21-28 დღეა.
შეგახსენებთ, რომ კორონავირუსის საწინააღმდეგო ვაქცინაცია საქართველოში 15 მარტიდან დაიწყო. დღეს ქვეყანაში აცრა სამი ტიპის ვაქცინითაა შესაძლებელი , „ფაიზერით“, „ასტრაზენეკათი“ და „სინოფარმით“. 3 აპრილს ქვეყანამ „სინოფარმის“ ვაქცინის 100 ათასი დოზა მიიღო.