საქართველოს პრემიერ-მინისტრ ირაკლი ღარიბაშვილის ინიციატივით,
სოციალურად დაუცველ ბავშვთა დახმარება პირველი ივლისიდან არსებული 50
ლარის ნაცვლად – 100 ლარამდე გაიზრდება.
ასევე, გაიზრდება დახმარების მიმღებ ბავშვთა რაოდენობა, – ამის
შესახებ მთავრობის მეთაური ბავშვთა დაცვის საერთაშორისო დღესთან
დაკავშირებით სოციალურ ქსელში გამოქვეყნებულ მილოცვაში წერს.
პრემიერ-მინისტრის განცხადების თანახმად, არსებული 100 000 ქულის
ნაცვლად, 100-ლარიან დახმარებას მიიღებენ 120 000-ზე ნაკლები ქულის
მქონე ოჯახებში მცხოვრები ბავშვები. ეს გადაწყვეტილება 215 ათასზე მეტ
ბავშვს შეეხება.
მასალის გამოყენების პირობები