გურჯაანელმა მოცურავეებმა ორი ვერცხლის და ხუთი ბრინჯაოს მედალი აიღეს
ბათუმში გამართულ აჭარის ღია პირველობაზე ცურვაში, გურჯაანის სპორტული
გაერთიანების აღსაზრდელებიც იღებდნენ მონაწილეობას.
მწვრთნელის, გიორგი ჯეჯელავს თქმით, გურჯაანელმა სპორტსმენებმა 2
ვერცხლის და ხუთი ბრინჯაოს მედალი აიღეს.
„ გურჯაანიდან ოთხი ბავშვი იღებდა მონაწილეობას. ორმა გაიყო მეორე
ადგილი. ესენი არიან ნინო მამუკაშვილი და მარიამ ქვლივიძე. გუნდურ
შეჯიბრში კი მესამე ადგილი დავიკავეთ. სულ ავიღეთ შვიდი მედალი: ორი
ვერცხლი და ხუთი ბრინჯაო.
ძალიან ძლიერი ბავშვები არიან და ადრეც ჰქონიათ წარმატებები.
მართალია, პირველი ადგილი ვერ ავიღეთ, მაგრამ ამ შედეგითაც კმაყოფილი
ვარ. მონაწილეობას იღებდნენ სპორტსმენები: თბილისიდან, ბათუმიდან,
ჭიათურიდან, საჩხერედან, რუსთავიდან და გორიდან. “
გამარვებულებს შესაბამისი სინჯის მედლები და დიპლომები გადაეცათ.
როგორც გიორგი ჯეჯელავა ამბობს, ივლისში თბილისში ჩატარდება
საქართველოს ჩემპიონატი, სადაც გურჯაანელი სპორტსმენებიც
იასპარეზებენ.
მასალის გამოყენების პირობები