საზოგადოებრივი მაუწყებლის ოპერატორზე თავდასხმისთვის ერთი პირი დააკავეს
შსს-მ საზოგადოებრივი მაუწყებლის ოპერატორზე თავდასხმის ბრალდებით
ერთი პირი დააკავა. მაუწყებლის ოპერატორს ჯგუფური თავდასხმის დროს
ფიზიკური და სიტყვიერი შეურაცხყოფა მიაყენეს და თვალები დაუზიანეს.
"გამოძიებით დადგინდა, რომ მიმდინარე წლის 5 ივლისს, თბილისში,
რუსთაველის გამზირზე, "თბილისი პრაიდის" საწინააღმდეგოდ გამართული
აქციის მიმდინარეობის დროს, ბრალდებულმა - გ.მ.-მ საზოგადოებრივი
მაუწყებლის ოპერატორს სამსახურებრივი მოვალეობის შესრულებისას
ფიზიკური და სიტყვიერი შეურაცხყოფა მიაყენა... დანაშაულში მონაწილე
სხვა პირთა დადგენა-დაკავების მიზნით გრძელდება
საგამოძიებო-ოპერატიული ღონისძიებები", - აცხადებენ შსს-ში.
გამოძიება საქართველოს სისხლის სამართლის კოდექსის 154-ე მუხლის მე-2
ნაწილით, 156-ე მუხლის მე-2 ნაწილის "ა" ქვეპუნქტით და 225-ე მუხლის
მე-2 ნაწილით მიმდინარეობს.
მასალის გამოყენების პირობები