ერთ კვირაში მსოფლიოში კორონავირუსით 4 მილიონზე მეტი ადამიანი დაავადდა
ჯანდაცვის მსოფლიო ორგანიზაციის(WHO) მონაცემებით, გასულ ერთ კვირაში
მსოფლიოში აღირიცხა COVID-19-ის გამომწვევი კორონავირუსით ინფიცირების
4 033 836 შემთხვევა, რაც წინა კვირასთან შედარებით 3%-ით მეტია.
კვირის განმავლობაში COVID-19-ით გარდაიცვალა 64 216 ადამიანი. წინა
კვირასთან შედარებით, ლეტალობის მაჩვენებელი 8%-ითაა შემცირებული.
ამასთან, რეგიონების მიხედვით, ბოლო კვირაში, წინა შვიდ დღესთან
შედარებით, გარდაცვალების შემთხვევებმა მკვეთრად, 48%-ით მოიმატა
წყნარი ოკეანის დასავლეთ ნაწილში და 31%-ით აღმოსავლეთ
ხმელთაშუაზღვისპირეთში, სადაც 30%-ზე მეტით გაიზარდა კორონავირუსის
ახალი შემთხვევების რაოდენობაც. მსოფლიოს დანარჩენ რეგიონებში,
სამხრეთ აღმოსავლეთ აზიის გარდა(+9%), ინფიცირების შემთხვევებმა
შედარებით იკლო.
წინა შვიდ დღესთან შედარებით, ლეტალობის მაჩვენებელი 29%-ით შემცირდა
ჩრდილოეთ და სამხრეთ ამერიკაში და 2%-ით ევროპაში. დანარჩენ
რეგიონებში ვითარება თითქმის უცვლელი იყო. WHO-ს მონაცემებით, ბოლო
ერთ კვირაში კორონავირუსის დელტა, ე.წ. ინდური შტამი დაფიქსირდა კიდევ
3 ქვეყანაში. სულ ასეთი ქვეყნების რიცხვი 135-ია.
მასალის გამოყენების პირობები