შინაგან საქმეთა სამინისტროში მასშტაბური გადაიარაღების პროცესი დაიწყო
შს სამინისტროს ინფორმაციით, პოლიციელების მასშტაბური გადაიარაღება
დაიწყო. თანამედროვე სტანდარტების შესაბამისი სამსახურებრივ-საშტატო
იარაღის გადაცემის პირველი ეტაპი განსაკუთრებულ დავალებათა
დეპარტამენტის ბაზაზე გაიმართა.
ღონისძიებას შინაგან საქმეთა მინისტრის პირველი მოადგილე - შალვა
ბედოიძე, მინისტრის მოადგილეები - იოსებ ჭელიძე და გიორგი ბუთხუზი
დაესწრნენ.
განსაკუთრებულ დავალებათა დეპარტამენტის თანამშრომლების შემდეგ,
უახლოეს დღეებში, გლოკის სისტემის მოკლელულიანი ცეცხლსასროლი იარაღები
საპატრულო პოლიციის და თბილისის პოლიციის დეპარტამენტების
თანამშრომლებს გადაეცემათ.
მასალის გამოყენების პირობები