დაავადებათა კონტროლის ეროვნული ცენტრის დირექტორმა, ამირან გამყრელიძემ კორონავირუსის საწინააღმდეგო მესამე აცრა გაიკეთა. ის თბილისის რესპუბლიკურ საავადმყოფოში Pfizer-ის ვაქცინით აცრეს.

"სპეციალურად გავიკეთე "პფაიზერი", ბევრი მოარული ჭორია, რომ ქვეყანაში არსებულ "პფაიზერს" გაუვიდა ვადა", - თქვა მან.

მანვე აღნიშნა, რომ თუ ეს ვაქცინა იმ ნორმების დაცვით ინახება, რომელიც კომპანიის მიერ არის განსაზღვრული, ანუ -60-დან -90 გრადუს ტემპერატურაზე, მისი გამოყენება არა 6 თვის, არამედ 9 თვის განმავლობაში შეიძლება. გალღობის შემდეგ ვაქცინა ვარგისია 30 დღის განმავლობაში, თუ ის "ჩვეულებრივ მაცივარში" ინახება.