პირბადის ტარების მაჩვენებელს თუ გავზრდით, იანვრამდე 200 სიცოცხლეს გადავარჩენთ - ამირან გამყრელიძე
თუ 90-95%-ზე ავიყვანთ პირბადის ტარების მაჩვენებელს, პირველ
იანვრამდე შეიძლება 200 ადამიანის სიცოცხლე გადავარჩინოთ. ამის
შესახებ დაავადებათა კონტროლისა და საზოგადოებრივი ჯანმრთელობის
ეროვნული ცენტრის ხელმძღვანელმა ამირან გამყრელიძემ განაცხადა.
„ თუ ყველა ავიცრებით და აცრის მაჩვენებელს გავზრდით, სერიოზულად
შევამცირებთ და შევაკავებთ ეპიდემიის შემდგომ გავრცელებას. ყოველი 500
სრულად აცრილი ადამიანი არის 1 გადარჩენილი სიცოცხლე” -განაცხადა
მან.
მისივე თქმით, რეგულაციებში ყველაზე მნიშვნელოვანი პირბადის ტარება
რჩება ყველგან – დახურულ და ღია სივრცეებში. ამ დროისთვის პირბადის
ტარების მაჩვენებელი 37%-ზეა ჩამოსულია.
ამირან გამყრელიძის განცხადებით, განსაკუთრებული მნიშვნელობა აქვს 60
წელზე ზემოთ მოსახლეობის აცრას, რადგან სიკვდილიანობის 85% ასაკოვან
მოსახლეობაში ფიქსირდება. მისივე თქმით, ბოლო დღეებში ოდნავ გაზრდილია
აცრების ყოველდღიური რაოდენობა.
მასალის გამოყენების პირობები