სიღნაღის მუნიციპალიტეტში მეხუთე მოწვევის საკრებულოს სხდომა
გაიმართა.
სესიაზე საკრებულოს თავმჯდომარის პოსტზე დავით ჯანიკაშვილი ხმათა
უმრავლესობით აირჩიეს. ის 2014-2017 წლებში სიღნაღის მუნიციპალიტეტის
გამგებელი იყო.
საკრებულოს ახლადარჩეულმა თავმჯდომარემ, პირველი მოადგილის ივანე
მირიანაშვილის და მოადგილეების- ილია ბაიდოშვილისა და გია
პავლიაშვილის კანდიდატურები დაასახელა.
საკრებულოს წევრებმა, წარმოდგენილი კანდიდატურები ფარული კენჭისყრის
შედეგად ხმათა უმრავლესობით აირჩიეს.
დღევანდელ სხდომაზე საკრებულომ ცნობად მიიღო ფრაქცია „ქართული ოცნება
-დემოკრატიული საქართველოს“ და ფრაქცია „ერთიანი ნაციონალური
მოძრაობის“ დაფუძნება. ასევე განსაზღვრა საკრებულოს მუდმივმოქმედი
კომისიების პერსონალური შემადგენლობ, აირჩიეს კომისიის
თავმჯდომარეებიც.
ცნობისთვის, 2021 წლის 2 ოქტომბრის თვითმმართველობის არჩევნების
შედეგად, სიღნაღის მუნიციპალიტეტის საკრებულო 36 დეპუტატით
დაკომპლექტდა. პარტია „ქართული ოცნება–დემოკრატიული საქართველო“ 26
დეპუტატითაა წარმოდგენილი, აქედან 12 მაჟორიტარული სისტემით, ხოლო 14
პროპროციული სიით. „ერთიან ნაციონალურ მოძრაობას" 9 დეპუტატი
ჰყავს, ხოლო პარტია ,,საქართველოსთვის“ -1.
მასალის გამოყენების პირობები