კვირის ბოლოს კორონავირუსის შემთხვევათა 60% „ომიკრონის“ შტამი იქნება- ამირან გამყრელიძე
ცირკულაციაში „ომიკრონის“ რაოდენობა 45%-დან ზემოთ მიდის. ალბათ ამ
კვირის ბოლოს, ჩვენი გათვლებით, ის იქნება სადღაც 60%-მდე მთლიანად
დადებითი შემთხვევების. ამის შესახებ დაავადებათა კონტროლის ეროვნული
ცენტრის ხელმძღვანელმა ამირან გამყრელიძემ განაცხადა.
მისივე თქმით, ახალი შტამის პირობებში „ბუსტერიზაცია“ ერთ-ერთი
მთავარი დამცველი საშუალებაა.
„ახლა ლაბორატორიულად დადასტურებული გვაქვს ათასი შემთხვევა, 16%
რეინფიცირება. აცრილებში მიდის ბევრად იოლად. „ბუსტერი“ ნამდვილად
მუშაობს, ამიტომ „ბუსტერიზაცია“ ერთ-ერთი მთავარი დამცველი
საშუალებაა. შედარებით უფრო მეტად ინფიცირდება ახალგაზრდა თაობა“, -
განაცხადა მან.
მასალის გამოყენების პირობები