საქართველოში, იმუნიზაციის სახელმწიფო პროგრამის ფარგლებში,
პაპილომავირუსის (HPV) საწინააღმდეგო ვაქცინის გაკეთება 13 – 18 წლის
გოგონების ასაკობრივ ჯგუფებში უფასოდ იქნება შესაძლებელი.
ამის შესახებ ინფორმაციას დაავადებათა კონტროლის ეროვნული ცენტრის
იმუნოპროფილაქტიკის სამმართველოს უფროსი, ლიკა ჯაბიძე ავრცელებს.
ჯაბიძის თქმით, აცრა შემდეგი სქემით მოხდება:
15 წლამდე ასაკობრივ ჯგუფში ორჯერადი ვაქცინაცია მინიმუმ 6 თვის
ინტერვალით;
15 – 18 წლის ასაკობრივ ჯგუფში სამჯერადი ვაქცინაცია შემდეგი სქემით:
0 – 2 – 6 თვე.
პირველ და მეორე დოზას შორის მინიმალური ინტერვალი უნდა იყოს
არანაკლებ 1 თვე, ხოლო მეორე და მესამე დოზას შორის მინიმალური
ინტერვალი უნდა იყოს არანაკლებ 3 თვე.
აქამდე პაპილომავირუსის აცრა უფასო 10–13 წლის გოგონებისთვის იყო
ხელმისაწვდომი.
„ვაქცინაცია პაპილომავირუსით გამოწვეული საშვილოსნოს ყელის კიბოსაგან
დაცვის ეფექტური საშუალებაა“–წერს ჯაბიძე.
მასალის გამოყენების პირობები