დედამიწის შემსწავლელ მეცნიერებათა
ინსტიტუტი-სეისმური მონიტორიონგის ეროვნული ცენტრის
ინფორმაციით, მიწისძვრები სოფელ სამებასთან და
საქართველო-სომხეთის სასაზღვრო ზოლთან ბოლო ერთი საათის განმავლობაში
რამდენჯერმე დაფიქსირდა.
მათი ცნობით, უკანასკნელ პერიოდში ამ ტერიტორიებზე რამდენიმე 3-4
მაგნიტუდის სიმძლავრის მიწისძვრა მოხდა.
ინსტიტუტის ინფორმაციით, პირველი ბიძგები სოფელ სამებასთან 07:36
საათზე იყო და 4,8 მაგნიტუდი შეადგინა. მომდევნო 09:10 საათზე
საქართველო-სომხეთის სასაზღვრო ზოლთან ხოლო 09:18 საათზე მცირე
ბიძგები სოფელ სამებასთან კვლავ გამეორდა.
ცნობისთვის, ყოველწლიურად დედამიწაზე დაახლოებით 100 000-მდე
მიწისძვრა აღირიცხება, მაგრამ მათი აბსოლუტური უმრავლესობა იმდენად
სუსტია, რომ მათ მხოლოდ სპეციალისტები სპეციალური ხელსაწყოებით
აფიქსირებენ.
მასალის გამოყენების პირობები