თოვლიანი და ცივი ამინდის გამო, დედოფლისწყაროს მუნიციპალიტეტის გზებზე ტექნიკური მარილი იყრება. ინფორმაციას ამის შესახებ მუნიციპალიტეტის მერია ავრცელებს.

„ავტომობილების უსაფრთხო გადაადგილებისთვის დილიდან მობილიზებულია მერიის შესაბამისი სამსახური და იყრება ტექნიკური ქვიშა-მარილი. სამუშაოები მუნიციპალიტეტის მერის, ნიკოლოზ ჯანიაშვილის ჩართულობით მთელი მუნიციპალიტეტის მასშტაბით მიმდინარეობს.
დედოფლისწყაროს მუნიციპალიტეტის მერია მოგიწოდებთ სიფრთხილისაკენ და გისურვებთ მშვიდობიან მგზავრობას.“ - აღნიშნულია მერიის მიერ გავრცელებულ ინფორმაციაში.