მუნიციპალიტეტებში უსახურ შენობებს იერსახეს შეუცვლიან ან დაანგრევენ
დღეს საქართველოს მთავრობის სხდომაზე „ზოგიერთი მუნიციპალიტეტის
მიერ განსახორციელებელი ღონისძიებების შესახებ“ საქართველოს მთავრობის
განკარგულების პროექტი განიხილეს, რომელიც ითვალისწინებს
მუნიციპალიტეტებში შენობა-ნაგებობების შეკეთებასა და აღდგენას.
მთავრობის ინფორმაციით, მუნიციპალიტეტების მიერ ჩატარებული წინასწარი
შესწავლის შედეგად, სულ გამოვლინდა 1263 ისეთი შენობა-ნაგებობა,
რომელიც ამახინჯებს მუნიციპალიტეტების იერსახეს და საჭიროებს
შეკეთებასა და რეკონსტრუქციას, ზოგ შემთხვევაში კი, - დემონტაჟს.
„საქართველოს მთავრობის გადაწყვეტილებით, მუნიციპალიტეტებს მიეცათ
უფლება, განახორციელონ მათ ადმინისტრაციულ საზღვრებში არსებული იმ
შენობა-ნაგებობების შეკეთების, რეკონსტრუქციისა თუ დემონტაჟის
აუცილებელი სამუშაოები, რომლებიც ამახინჯებენ მუნიციპალიტეტის
იერსახეს ან პრობლემას ქმნიან უსაფრთხოების კუთხით.
ამ მიმართულებით აუცილებელ სამუშაოებს მუნიციპალიტეტები უკვე
მიმდინარე წელს დაიწყებენ,“ - აღნიშუნლია საქართველოს მთავრობის მიერ
გავრცელებულ ინფორმაციაში.
როგორც გურჯაანის მუნიციპალიტეტის მერიაში აცხადებენ, მუნიციპალიტეტის
მასშტაბით სულ გამოვლინდა 21 ისეთი შენობა-ნაგებობა, რომელიც
რეაბილიტაცია-რეკონსტრუქტიას ანდა დემონტაჟს საჭიროებს. შენობების
ჩამონათვალს მოგვიანებით შემოგთავაზებთ.
მასალის გამოყენების პირობები