გეგმური და გადაუდებელი ოპერაციები ყველა ონკოპაციენტს დაუფინანსდება - საქართველოს მთავრობა
ონკოლოგიური ქირურგია როგორც გეგმური, ისე გადაუდებელი ოპერაციები, საბიუჯეტო სახსრებით დაზღვეული პირების გარდა, ქვეყნის მასშტაბით, ყველა ონკოპაციენტს დაუფინანსდება. მათ შორის არიან დაზღვეული ვეტერანები და ის პაციენტებიც, რომელთა წლიური შემოსავალი 40 000 ლარზე მეტია.

„მიმდინარე წლის აგვისტოდან გადაწყვეტილებით ჰორმონოთერაპია, ქიმიოთერაპია, სხივური თერაპია და მედიკამენტები, ქვეყნის მასშტაბით, ყველა ონკოლოგიურ პაციენტს უფინანსდებოდა. დღეს − საქართველოს მთავრობის მიერ დამტკიცებული ცვლილების მიხედვით − მოქალაქეებისთვის თანაბრად იქნება ხელმისაწვდომი როგორც ქიმიო/ჰორმონო/სხივური თერაპიებისა და მედიკამენტების, ისე ონკოლოგიური ქირურგიის დაფინანსება.“ - აღნიშნულია საქართველოს მთავრბის მიერ გავრცელებულ ინფორმაციაში.

მათივე ცნობით, აღნიშნული გადაწყვეტილებით ონკოლოგიური დაავადებების მკურნალობა, საყოველთაო ჯანდაცვის პროგრამის ფარგლებში, თითოეული ბენეფიციარისთვის, მათი შემოსავლის მიუხედავად, თანაბრად ხელმისაწვდომი იქნება.


| Print |
FaceBook Twitter Google