ქალების ავტობუსის მძღოლებად მომზადების უფასო კურსი თელავში

16:42 / 25.06.2024

თელავში ქალების ავტობუსის მძღოლებად მომზადების მოკლევადიან, უფასო კურსზე რეგისტრაცია გრძელდება.

ინფორმაციას, აღნიშნულთან დაკავშირებით, თელავის მუნიციპალიტეტის მერია ავრცელებს.

კურსი განკუთვნილია თელავის მუნიციპალიტეტში მცხოვრები ქალებისთვის, რომლებსაც სურვილი აქვთ დაეუფლონ ავტობუსის მძღოლის პროფესიას.

კურსი სრულად ფარავს მომზადების, გამოცდაზე გასვლის, მართვის მოწმობის და ტრანსპორტირების ხარჯებს.

კურსის წარმატებით დასრულების შემდეგ, მონაწილეებს შეეძლებათ „D“ კატეგორიის მართვის უფლების მისაღებ გამოცდაზე გასვლა და სურვილის შემთხვევაში, ავტობუსის მძღოლად დასაქმება კერძო და საჯარო სატრანსპორტო კომპანიებში.

კურსი დაიწყება 2024 წლის 10 ივლისს და დასრულდება 25 ივლისს. რეგისტრაცია შეუძლიათ თელავის მუნიციპალიტეტში მცხოვრებ:

• 24+ წლის ქალებს;
• რომელთაც გააჩნიათ „B“ კატეგორიის მართვის მოწმობა;
• აქვთ მსუბუქი ავტომობილის მართვის მინიმუმ 1 წლის გამოცდილება.

მონაწილეობისთვის, 2 ივლისამდე გაიარეთ რეგისტრაცია და წარადგინეთ პირადობის და „B“ კატეგორიის მართვის მოწმობის ასლები:

• ონლაინ სარეგისტრაციო ფორმით: https://form.jotform.com/241192582690359
• ელ-ფოსტით: This e-mail address is being protected from spambots. You need JavaScript enabled to view it
• თელავის მუნიციპალურ სამსახურში საბუთების წარდგენით.

შერჩეული კანდიდატები გაივლიან გასაუბრებას და ავტომობილის მართვის უნარების შემოწმებას.

| Print | E-mail