ტურიზმთან დაკავშირებულ ისეთ დარგებში და ისეთი კომპანებისთვის, რომლებიც საქმიანობენ სასტუმროებისა და რესტორნების, ტურისტული სააგენტოების, სატრანსპორტო და საექსკურსიო კომპანიების, ასევე სხვა სფეროებში მთავრობა 4 თვით, პირველ ნოემბრამდე გადაუვადებს ქონებისა და საშემოსავლო გადასახადს , - ამის შესახებ საქართველოს პრემიერ-მინისტრმა, გიორგი გახარიამ განაცხადა.


„ეს ნიშავს იმას, რომ შეღავათი შეეხება 18 000 კომპანიას, რომელიც ოპერირებს დღეს საქართველოში და 50 000-ზე მეტ დასაქმებულ პირს. ეს დამატებით დატოვებს ამ სექტორში 4 თვის განმავლობაში (ეს თვეებია: მარტი, აპრილი, მაისი, ივნისი) დაახლოებით 100 მილიონზე მეტ ფინანსურ რესურსს. გარდა ამისა, მთავრობის გადაწყვეტილებით, დაგეგმილი 600 მილიონი დასაბრუნებელი დღგ-ს ნაცვლად, ეს თანხა გაორმაგდება და ჩვენს ეკონომიკას, კომპანიებს დაუბრუნდებათ დამატებით 600 მილიონი, რაც 1 წლის განმავლობაში ეკონომიკას დაუბრუნებს 1 მილიარდ 200 მილიონი დღგ-ს საშუალებით ფინანსურ რესურსს”, - განაცხადა გახარიამ.

მისივე განმარტებით, 4-დან 50 ნომრამდე სასტუმროებისთვის, 6 თვის განმავლობაში საპროცენტო განაკვეთს მოემსახურება სახელმწიფო.

გიორგი გახარიას განმარტებით, ყველა ის ზომა, რასაც სახელმწიფო ატარებს, ერთმნიშვნელოვნად გულისხმობს, რომ კომპანიებმა შესაბამისი მხარდაჭერა გაუწიონ თავიანთ დასაქმებულებს და მაქსიმალურად შენარჩუნდეს სამუშაო ადგილები.