ეროვნულმა ბანკმა კომერციული ბანკებისთვის ახალი ბრძანება
გამოსცა, რომელიც განსაზღვრავს 200 000 ლარამდე სავალუტო სესხების
გაცემის წესს.
“
მუხლი 11
საქართველოს სამოქალაქო კოდექსის 625-ე მუხლის მე-7 ნაწილის
მიზნებისთვის, სესხის გაცემის შედეგად ამავე გამსესხებლის მიმართ
მსესხებლის ჯამური ვალდებულებების დათვლისას არ უნდა იქნეს
გათვალისწინებული ფულადი სახსრებით უზრუნველყოფილი ვალდებულებები.
მუხლი 12
კომერციული ბანკები უფლებამოსილნი არიან 200 000 (ორასი ათასი)
ლარამდე სესხები/საბანკო კრედიტები გასცენ უცხოური ვალუტით, თუ
სესხი/საბანკო კრედიტი სრულადაა უზრუნველყოფილი ფულადი სახსრებით
იმავე ვალუტაში,” - აღნიშნულია ეროვნული ბანკის
ვიცე-პრეზიდენტის, არჩილ მესტვირიშვილის მიერ გამოცემულ
ბრძანებაში.
აღსანიშნავია, რომ ახალი წესით არ არის განსაზღვრული ამ სესხების
ქვედა ზღვარი.
ეროვნული ბანკის მიერ გამოცემული ბრძანება 1 სექტემბრიდან
ამოქმედდება.
ცნობისთვის, საქართველოში 200
ათას ლარამდე მოცულობის სავალუტო სესხების გაცემა 2019 წლის 1
იანვრიდან აიკრძალა, რაც სამოქალაქო კოდექსში პარლამენტის მიერ
შეტანილი ცვლილებით განისაზღვრა.
მასალის გამოყენების პირობები