საქართველოს რეგიონული განვითარებისა და ინფრატსრუქტურის სამინისტროს საავტომობილო გზების დეპრატმენტის თავმჯდომარემ გიორგი სეთურიძემ, ნაფარეული-ლაფანყურის საავტომობილო გზის 6 კილომეტრიანი მონაკვეთის სარეაბილიტაციო სამუშაოები დაათვალიერა.



აღნიშნული გზა თელავის მუნიციპალიტეტის ორ სოფელს, ნაფარეულსა და ლაფანყურს ერთმანეთთან აკავშირებს. პროექტის ფარგლებში რეაბილიტაცია ჩაუტარდება გზის სავალ ნაწილს, მონაკვეთზე არსებულ ორი ხიდს, მოეწყობა წყალგამტარი მილები, ავტობუსის გასაჩერებელი მოედანი, გადასასვლელები, ადგილობრივ გზებთან მიერთებები და მოსახლეობის ეზოებში შესასვლელები.

პროექტი, შიდა სახელმწიფოებრივი და ადგილობრივი მნიშვნელობის გზების მესამე პროექტის (SLRPIII) ფარგლებში, მსოფლიო ბანკის დაფინანსებით ხორციელდება და მისი ღირებულება 2 893 795.13 ლარია. სამუშაოები მიმდინარე წლის მაისში დაიწყო და 2017 წელს დასრულდება.