მიმდინარე წელს ქალაქ გურჯაანში ექვსი ქუჩის რეაბილიტაცია და რამდენიმე კორპუსის ეზოს მოასფალტებაა დაგეგმილი. სამუშაოები რეგიონული განვითარების ფონდიდან ფინანსდება, თანადაფინანსებაში შედის ადგილობრივი თვითმმართველობაც 13.5%-ით.
-„კოსტავას ქუჩის რეაბილიტაციისთვის 275 585 ლარი დაიხარჯება, ვაჟა ფშაველას ქუჩაზე ქვაფენილის შემდეგ მონაკვეთზე დაიგება ასფალტი, რისთვისაც 126 327 ლარია გათვალისწინებული. მარჯანიშვილის ქუჩის მოასფალტებას 165 545 ლარი მოხმარდება, შარტავას ქუჩას - 136 511 ლარი, ფარნავაზის ქუჩას - 324 475 ლარი, ბელიაშვილის ქუჩასა და ჩიხს -171 259 ლარი. აღნიშნული გზები სრულად ამორტიზებული იყო და მოსახლეობის მოთხოვნის გათვალისწინებით ხდება რეაბილიტაცია. გარდა ამისა, მიმდინარე წელს მოასფალტდება რამდენიმე ქუჩაზე მდებარე საერთო საცხოვრებლების ეზოებიც. ესენია: კოსტავას 29, 31, 33 ნომრები, თამარ მეფის #10 და #12 , გურამიშვილის #20 და # 24, სანაპიროს # 8 და #10, ფარნავაზის #8 და #10 . ამისთვის 154 998 ლარი დაიხარჯება.“-აღნიშნა speqtri.ge-სთან გურჯაანის მერიის ინფრასტრუქტურის სამსახურის უფროსმა ვლადიმერ მუსალბიშვილმა.

მისივე ინფორმაციით, ამ დროისთვის სამუშაოები უკვე დაწყებულია ვაჟა ფშაველასა და მარჯანაშვილის ქუჩებზე.