არხილოსკალო-სამთაწყაროს გზის რეაბილიტაცია მიმდინარე წლის გაზაფხულზე დაიწყება
დედოფლისწყაროს მუნიციპალიტეტში არხილოსკალო-სამთაწყაროს გზის სრული
რეაბილიტაცია გაზაფხულზე დაიწყება. ამის შესახებ speqtri.ge-ს
საავტომობილო გზების დეპარტამენტში განუცხადეს.
-"სამუშაოები ორ ლოტად მიმდინარეობს. ერთია არხილოსკალო-სამთაწყაროს
მონაკვეთი და მეორე გუმბათი-ხირსა-ენამთა. პროექტი სახელმწიფო
ბიუჯეტიდან ფინანსდება. გუმბათი-ხირსა-ენამთის შვიდკილომეტრიანი
მონაკვეთის რეაბიიტაციისთვის 3 888 000 ლარია გათვალისწინებული და
სამუშაოები უკვე დაწყებულია, რაც შეეხება სამთაწყარო- არხილოსკალოს,
აქ ექვსი კილომეტრია და რეაბილიტაციისთვის 4 127 000 ლარია
განსაზღვრული. ვაფორმებთ ხელშეკრულებას და სამუშაოებს გაზაფხულზე
დავიწყებთ, "- განაცხადეს საავტომობილო გზების დეპარტამენტში.
უწყების ინფორმაციითვე, გუმბათი-ხირსა-ენამთის გზის რეაბილიტაცია ცხრა
თვის, ხოლო არხილოსკალო-სამთაწყაროს მონაკვეთის მშენებლობა რვა თვის
ვადაში უნდა დასრულდეს.
მასალის გამოყენების პირობები