საქართველოდან ექსპორტზე 8.8 მლნ აშშ დოლარის ღირებულების ღვინო გავიდა
ღვინის ეროვნული სააგენტოს მონაცემებით, 2017 წლის იანვარში
საქართველოდან ექსპორტირებულია 4 322 733 ბოთლი ღვინო, რაც 2016
წლის ანალოგიურ მაჩვენებელს 184%-ით აღემატება.
სააგენტოს ინფორმაციით, ექსპორტირებულია 8.8 მლნ აშშ დოლარის
ღირებულების ღვინო, რაც 141%-ით მეტია 2016 წლის ანალოგიურ
მაჩვენებელზე.
„იანვრის თვეში ექსპორტის მატება დაფიქსირდა ევროკავშირის, ჩინეთის,
აშშ-ს და ასევე ტრადიციული საექსპორტო ბაზრების მიმართულებით. 2016
წელი წარმატებული აღმოჩნდა ქართული ღვინის ექსპორტისთვის - ზრდამ 2015
წელთან შედარებით 40%-ს მიაღწია. აღსანიშნავია, რომ ქართული ღვინის
ექსპორტი წლის დასაწყისიდანვე აქტიურად დაიწყო და იმედი გვაქვს, რომ
ღვინის სექტორთან ერთად დაგეგმილი მარკეტინგული ღონისძიებების
შედეგად, ექსპორტის ზრდის ტენდენცია წლის ბოლომდე შენარჩუნდება ყველა
მიმართულებით“ - აღნიშნა ღვინის ეროვნული სააგენტოს თავმჯდომარემ,
გიორგი სამანიშვილმა.
ექსპორტიორი ქვეყნების პირველი ხუთეული ასე გამოიყურება: რუსეთი (2
861 471 ბოთლი), უკრაინა (402 858), ჩინეთი (372 440), პოლონეთი (156
302) და ყაზახეთი (106 284).
მასალის გამოყენების პირობები