სსიპ ღვინის ეროვნული სააგენტოს მონაცემებით, 2018 წლის
იანვარ-აგვისტოში საქართველოდან მსოფლიოს 52 ქვეყანაში 52,7 მლნ ბოთლი
ღვინოა (0,75 ლ) ექსპორტირებული.
უწყების ინფორმაციით, მონაცემები 16%-ით აღემატება 2017 წლის ამავე
პერიოდის მაჩვენებელს. ექსპორტირებული ღვინის ღირებულება 125,5 მლნ
აშშ დოლარია, ზრდამ გასული წლის ანალოგიურ პერიოდთან შედარებით 25%
შეადგინა.
ექსპორტი გაზრდილია ქართული ღვინის სტრატეგიულ ბაზრებზე: იაპონია -
79%, პოლონეთი - 31% , დიდი
ბრიტანეთი - 17%, აშშ - 2%, ასევე ევროპის მიმართულებით: რუმინეთი -
390%, ჩეხეთი - 65%, გერმანია - 32%, ნიდერლანდები - 25% , ლიტვა -
12% , ლატვია - 12%, ესტონეთი - 2% და ტრადიციულ ბაზრებზე: ყირგიზეთი
- 81%, უკრაინა - 40% , ყაზახეთი - 36% , რუსეთი - 17% , ბელარუსი 12%
და სხვა.
ამასთან, იანვარ-აგვისტოში საქართველოდან მსოფლიოს 21 ქვეყანაში
ექსპორტირებულია 11,7 მლნ ბოთლი (0,5 ლ) ბრენდი, რაც 19%-ით აღემატება
გასული წლის 8 თვის მონაცემებს. ბრენდის ექსპორტით მიღებულმა
შემოსავლებმა 23,9 მლნ აშშ დოლარს მიაღწია - ზრდამ 9% შეადგინა.
სულ, ღვინის, ბრენდის, ჭაჭის, საბრენდე სპირტისა და ჩამოსასხმელი
ბრენდის ექსპორტით მიღებულმა შემოსავლებმა 198,2 მლნ აშშ დოლარს
მიაღწია, რაც 19%-ით აღემატება გასული წლის ანალოგიურ
მაჩვენებელს.
მასალის გამოყენების პირობები