სოფლის მეურნეობა
დიდი იმედია, რომ არ გვექნება სავაჭრო ემბარგო რუსეთის ფედერაციასთან - ლევან დავითაშვილი
ეკონომიკისა და მდგრადი განვითარების მინისტრი - ნათია თურნავა, გარემოს დაცვისა და სოფლის მეურნეობის მინისტრი - ლევან დავითაშვილი და კახეთის სახელმწიფო რწმუნებული - ირაკლი ქადაგიშვილი გურჯაანში ადგილობრივ ფერმერებს, მევენახეებს, მეღვინეებსა და ტურიზმის სფეროს წარმომადგენლებს შეხვდნენ.

შეხვედრა კითხვა-პასუხის რეჟიმში გაიმართა. ძირითადი საკითხები რუსეთთან სავაჭრო ურთიერთობის შენარჩუნება და ქართული პროდუქტის რეალიზაცია იყო.
ლევან დავითაშვილის თქმით, ასეთი შეხვედრები ძალიან მნიშვნელოვანია, რადგან ფერმერებისგან მკაფიო მოთხოვნები მოისმინეს.

„მათი მხრიდან ლეგიტიმურად იყო საკითხი დასმული, რომ ჩვენთვის მნიშვნელოვანია სავაჭრო ურთიერთობების შენარჩუნება ისეთ ბაზრებთან, სადაც გვაქვს ინტენსიური კავშირები. დიდი იმედია, რომ არ გვექნება სავაჭრო ემბარგო რუსეთის ფედერაციასთან, შევძლებთ გავაგრძელოთ სავაჭრო ურთიერთობები, მათ შორის, ღვინის სფეროში. ძალიან მნიშვნელოვანია, ეს ურთიერთობები იყოს პრაგმატულ კავშირზე დაფუძნებული, ემოციებისგან დაცლილი. ჩვენი მხრიდან ჩართულები იქნებიან ის კომპეტენტური პირები, რომლებსაც საექსპორტო პოტენციალი გააჩნიათ და იმედი გვაქვს, რუსეთის ფედერაციის მხრიდანაც მივიღებთ შესაბამის პასუხებს. ვფიქრობთ, ის პროგრესი, რომელიც რამდენიმე წლის განმავლობაში იყო მიღწეული, ჩვენი ხელისუფლების პრაგმატული პოლიტიკის შედეგად სავაჭრო ურთიერთობებში შენარჩუნებული იქნება. ძალიან გულდასაწყვეტია, როდესაც ორივე მხრიდან რამდენიმეწლიანი სამუშაო პროცესი იძლევა შედეგს, ერთი ხელის მოსმით გაჩერდეს. რეგიონებში ბევრი ადამიანია, ვისი შემოსავალიც კონკრეტულად ამ სავაჭრო ურთიერთობებზეა დამოკიდებული. ჯერჯერობით ემბარგო არ გვაქვს, გამკაცრებულია კონტროლის რეჟიმი ქართული ღვინის მიმართ, მაგრამ ვფიქრობ, სიტუაცია დარეგულირდება.“


ფერმერი მიხეილ მანასაშვილი შეხვედრით კმაყოფილია და ამბობს, რომ ქვეყნის მომავალი მხოლოდ ერთი ჯგუფის ინტერესებზე არ უნდა იყოს აგებული.
„ქვეყნის ეკონომიკა და მომავალი ყველამ ერთად უნდა ავაშენოთ. მე მივესალმები ასეთ შეხვედრებს. მოლოდინი მაქვს, ყველაფერი დასტაბილურდება და ერთ მუჭა ხალხს არ უნდა გადავაყოლოთ ქვეყნის მომავალი. დღეს მინისტრებმა უპასუხებს იმ შეკითხვებს, რომელიც გვაინტერესებდა. რაც შეეხება რუსეთს, არ ვარ იმის მადლიერი, მაგრამ ამ ქვეყანას გვერდზე ვერ გავწევთ. არც სხვა ქვეყნებს მოსწონთ რუსეთი, თუმცა ნორმალური ურთიერთობა აქვთ მასთან. დავინახეთ ტურიზმს რა დაემართა, იგივე დაემართება ხვალ მეღვინეობას, მეხილეობას და ა.შ. მთლიანობაში ქვეყნის ეკონომიკაც, რა თქმა უნდა, დაზარალდება. “


კახეთის სახელმწიფო რწმუნებულის ირაკლი ქადაგიშვილის განმარტებით, ფერმერების და მევენახეების მოთხოვნა სამართლიანია.
„ეს არის ის ხალხი, რომელიც უშუალოდ ქმნის საქართველოს ეკონომიკას. მათ წლების განმავლობაში პირველად იგრძნეს თავი თავისუფალ ფერმერებად, რთველი და მოსავლის აღება მათთვის მართლა სიხარულია. ხელისუფლება მაქსიმუმს გააკეთებს, რომ სავაჭრო სივრცეში შემდგომი გართულებები თავიდან აიცილოს. ჩვენ ვნახეთ, რომ ამ ხალხს გააჩნია სამართლიანი მოთხოვნა, შეწყდეს ბინძური მეთოდებით „პოლიტიკური “ ზიანის მიყენება საქართველოს ეკონომიკაზე. ესენი არიან ადამიანები, რომლებიც ხედავენ, რომ ეკონომიკური წინსვლა საქართველოს გაერთიანებისა და ქვეყნის მომავლის აუცილებელი პირობაა. გაღატაკებული ქვეყანა ვერასდროს გახდება ევროკავშირის წევრი და ვერც დემოკრატიას ააშენებს. სწორედ ასეთი დამოუკიდებელი ფერმერების მეშვეობით დამკვიდრდება საქართველოში დემოკრატია. ამ შემთხვევაში ჩვენ უნდა ვიყოთ მაქსიმალურად მობილიზებულები.“


შეგახსენებთ, რომ რამდენიმე დღის წინ, საგარეჯოს მუნიციპალიტეტის სოფელ ჩაილურში ფერმერებმა და მევენახეებმა აქცია გამართეს. ისინი მათ მიერ წარმოებული პროდუქციის შეუფერხებლად რეალიზაციას და მთავრობის წარმომადგენლებთან შეხვედრას ითხოვდნენ.

| Print |  E-mail
FaceBook Twitter Google
ამავე კატეგორიაში
სოფლის მეურნეობის მინისტრი ლევან დავითაშვილი, ღვინის ეროვნულ
სააგენტოში ღვინის მწარმოებელი 60-ზე მეტი კომპანიის წარმომადგენელს
შეხვდა.
სოფლის მეურნეობის მინისტრი ლევან დავითაშვილი, ღვინის ეროვნულ სააგენტოში ღვინის მწარმოებელი 60-ზე მეტი კომპანიის წარმომადგენელს შეხვდა.
12:01 / 30.07.2020
აგროდაზღვევის სახელმწიფო პროგრამაში ჩართული ბენეფიციარებისთვის,
სეტყვის შედეგად მიყენებული ზარალის ანაზღაურება დაიწყო.
აგროდაზღვევის სახელმწიფო პროგრამაში ჩართული ბენეფიციარებისთვის, სეტყვის შედეგად მიყენებული ზარალის ანაზღაურება დაიწყო.
11:00 / 28.07.2020
დღეს გარემოს დაცვისა და სოფლის მეურნეობის მინისტრი, ლევან
დავითაშვილი ჩუმლაყში ფერმერებს შეხვდა და ატმის ბაღები მოინახულა.
როგორც მან ჩვენთან საუბარში აღნიშნა, წელს დაახლოებით 30 ათას
ტონამდე ატმის მოსავალს ელოდებიან.
დღეს გარემოს დაცვისა და სოფლის მეურნეობის მინისტრი, ლევან დავითაშვილი ჩუმლაყში ფერმერებს შეხვდა და ატმის ბაღები მოინახულა. როგორც მან ჩვენთან საუბარში აღნიშნა, წელს დაახლოებით 30 ათას ტონამდე ატმის მოსავალს ელოდებიან.
12:47 / 08.07.2020
დღეს სოფლის მეურნეობის მინისტრმა, ლევან დავითაშვილმა, სოფელ
ჩუმლაყში სამაცივრე მეურნეობა მოინახულა და ატმის რელიზაციის პროცესს
ადგილზე გაეცნო.
დღეს სოფლის მეურნეობის მინისტრმა, ლევან დავითაშვილმა, სოფელ ჩუმლაყში სამაცივრე მეურნეობა მოინახულა და ატმის რელიზაციის პროცესს ადგილზე გაეცნო.
12:44 / 08.07.2020
სხვა ამბები
უკვე ცნობილია ნომერი, სადაც შეგიძლიათ დარეკოთ და უგულშემატკივროთ ლევან ყანდიაშვილს, რომელიც მეგაპროექტ „დიდ სცენაში“ კახეთის სახელით მონაწილეობს.
22:57 / 03-07-2020
ლაგოდეხელი 17 წლის ერეკლე თურქაძე, ინტერნეტ-სერიალ ,,ნინველში’’ მთავარ როლზე დაამტკიცეს. ამის შესახებ დამწყები მსახიობი თავად გვესაუბრება.
18:03 / 26-06-2020
კორონავირუსის გავრცელების პრევენციის მიზნით, განათლების სისტემა დისტანციური სწავლების ფორმატზე გადავიდა.
13:32 / 25-06-2020
აბიტურიენტებმა ეროვნული გამოცდების წერა შესაძლოა, პირბადის გარეშე შეძლონ
18:14 / 24-06-2020
გიორგი ლეონიძის შთაგონების წყარო სოფელი პატარძეული იყო და მისი „ნატვრის ხის“ პერსონაჟებიც პატარძეულელები არიანო - ამბობს პოეტი რომან ზუკაკიშვილი.
14:27 / 24-06-2020
ავთანდილ თუნიაშვილი დღემდე ინახავს გასული საუკუნის 50-იანი წლების სიგელებსა და აფიშებს. მისი თქმით, ალბათ, ბევრმა არ იცის, რომ გურჯაანში ქართული ქორეოგრაფიის ფუძემდებელი შოთა თუნიაშვილია, რომლის დამსახურებაცაა რაიონში პირველი ქორეოგრაფიული ანსამბლის დაარსება.
13:20 / 24-06-2020
ვალუტა
EUR
EUR
1
3.6356
USD
USD
1
3.0758
GBP
GBP
1
4.0262
TRY
TRY
1
0.4242
RUB
RUB
100
4.1811
ამინდი
გურჯაანი 20 / 33 °C
img
საგარეჯო 18 / 31 °C
img
დ.წყარო 18 / 32 °C
img
სიღნაღი 19 / 34 °C
img
ლაგოდეხი 19 / 32 °C
img
ყვარელი 20 / 33 °C
img
თელავი 19 / 33 °C
img
ახმეტა 18 / 33 °C
img
კალენდარი
«« აგვისტო 2020 »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.