კახეთის რეგიონში უკვე რამდენიმე დღეა რთველი დაიწყო. ღვინის
ეროვნული სააგენტოს ინფორმაციით, ჯერჯერობით უმეტესად გადამუშავებულია
საადრეო ჯიშები და კომპანიების კუთვნილ ვენახებში მოყვანილი ყურძენი,
სულ 7 ათასამდე ტონა მოსავალი.
„დედოფლისწყაროში ძირითადად დაკრეფილია 60 ტონამდე მუსკატის ჯიშის
ყურძენი, რომელიც სხვადასხვა კერძო კომპანიამ მიიღო. მცირე რაოდენობით
ჩაბარებულია რქაწითელიც. ღირებულებას რაც შეეხება, ფასი 70 თეთრიდან
დაფიქსირდა.“ - განაცხადეს სააგენტოში.
ამ დროისთვის რთველის საკოორდინაციო შტაბში დარეგისტრირებულია ღვინის
მწარმოებელი 115 კომპანია.
მასალის გამოყენების პირობები