კახეთის რეგიონში საფერავის ჯიშის ყურძენს ამ დროისთვის მხოლოდ სამი
ქარხანა იბარებს : გურჯაანში-დუგლაძეების, ასევე წინანდლისა და
თელავის ღვინის მარნები.
გასული წლების მსგავსად სახელმწიფო ქარხანა საფერავს არც ახლა
ჩაიბარებს. ღვინის ეროვნული სააგენტოს თავმჯდომარის ლევან მეხუზლას
განმარტებით, ამ ჯიშზე მოთხოვნა კერძო სექტორის მხრიდან ისედაც
მაღალია.
-„საფერავს კერძო სექტორი იბარებს. ამ დროისთვის რამდენიმე ქარხანა
იღებს, ნელ-ნელა ყველა ჩაერთვება რთვლის პროცესში, როდესაც ჩათვლიან,
რომ ყურძენი საკმარისად მწიფეა. დედოფლწყაროსა და სიღნაღში უკვე
მასიურად იკრიფება საფერავი, ზოგან დამთავრდა კიდეც, ნელ-ნელა აქეთ
გადმოინაცვლა და ორი-სამი დღეა გურჯაანის მუნიციპალიტეტის სოფელ
ბაკურციხეშიც კრეფენ.,“ - აღნიშნა speqtri.ge-სთან ლევან
მეხუზლამ.
ამ დროის მონაცემებით, კახეთის რეგიონში 22 866 ტონა ყურძენია
გადამუშავებული, საიდანაც 7453 საფერავია, დანარჩენი კი კახური
მწვანე, ქისი და რქაწითელი.
მიმდინარე წელს საფერავის მინიმალური ფასი 1 ლარი 50 თეთრი
დაფიქსირდა.
ამავე თემაზე:
მევენახემ ყურძნის ჩასაბარებლად კადასტრის გარდა,
ცნობა თვითმმართველობიდანაც უნდა აიღოს
აქცია ყვარელში- მევენახეები ყურძენზე ფასის გაზრდას
ითხოვენ
რქაწითელის საწყისი ფასი 70 თეთრია, საფერავის - 1,50
ლარი
მასალის გამოყენების პირობები