6 თებერვლის მდგომარეობით, საქართველოდან 4 928 ტონა ვაშლის ექსპორტი
განხორციელდა. ინფორმაციას აღნიშნულთან დაკავშირებით, გარემოს დაცვისა
და სოფლის მეურნეობის სამინისტრო ავრცელებს.
„2021 წლის 1 აგვისტოდან 2022 წლის 6 თებერვლის ჩათვლით საქართველოდან
ექპორტირებული ვაშლის ღირებულებამ 3.2 მლნ აშშ დოლარი შეადგინა.
გასული წლის ანალოგიურ პერიოდთან შედარებით, ექსპორტირებული ვაშლის
მოცულობა 6 012 ტონით (55%), ხოლო ღირებულება - 1.6 მლნ აშშ დოლარით
(33%) შემცირდა.
საანგარიშო პერიოდში, ვაშლის ექსპორტის მოცულობის შემცირების ფონზე,
საექსპორტო ფასი 49%-ით გაიზარდა.
2021 წლის 1 აგვისტოდან 2022 წლის 6 თებერვლის ჩათვლით პერიოდში
ვაშლის ექსპორტი თითქმის სრულად რუსეთის ფედერაციაში განხორციელდა
(4,922 ტონა), ხოლო 6 ტონა ვაშლის ექსპორტი განხორციელდა სომხეთში“,
ვკითხულობთ განცხადებაში.
მასალის გამოყენების პირობები