გურჯაანის მუნიციპალიტეტის მერიაში შექმნილმა კომისიამ სეტყვისგან
მიყენებული ზარალი უკვე დაითვალა.
როგორც speqtri.ge-ს ადმინისტრაციული სამსახურის უფროსმა, ხვიჩა
სიმონიშვილმა განუცხადა, სოფელ ველისციხეში, ჩუმლაყსა და ახაშენში
2375 ჰექტარი ფართობი დაისეტყვა.
"დასეტყვილია ვენახები, გარგარისა და ატმის ბაღები, სიმინდი და
ბოსტნეული, სულ მთლიანობაში 2 375 ჰექტარია, დაზღვეული კი მხოლოდ 214
ჰექტარი იყო. სხვადასხვა ადგილას პროცენტული დაზიანება
სხვადასხვაგვარია. 100%-იანი ზარალი არსად არ გვაქვს, 50-დან
80%-მდეა. ზარალის ანაზღაურების ერთადერთი ბერკეტი დაზღვევაა. ხალხი
უნდამიხვდეს, რომ აუცილებლად ჩაერთოს დაზღვევაში,"- აღნიშნა
ხვიჩა სიმონიშვილმა.
ჩვენ სოფლის მეურნეობის სამინისტროსაც დვუკავშირდით. უწყებაში
ამბობენ, რომ იმ ფერმერების დახმარების საკითხთან დაკავშირებით,
რომელთაც მოსავალი დაზღვეული არ აქვთ, რამე კონკრეტული გადაწყვეტილება
ჯერ მიღებული არ არის.
მასალის გამოყენების პირობები