სოფლის მეურნეობა
უკვე დაბინავებულია 65 000-ზე მეტი რქაწითელი და 50 000 ტონამდე საფერავი - ოთარ შამუგია
გარემოს დაცვისა და სოფლის მეურნეობის მინისტრი ოთარ შამუგია კახეთში იმყოფებოდა. მინისტრმა ადგილობრივი ფერმერების ვენახები მოინახულა, დაათვალიერა ის ღვინის კომპანიები, სადაც ყურძნის მიღების პროცესი გრძელდება და რთველშიც მიიღო მონაწილეობა.

როგორც გარემოს დაცვისა და სოფლის მეურნეობის მინისტრმა ოთარ შამუგიამ კახეთში სტუმრობისას განაცხადა, სახელმწიფოს მთავარი ამოცანაა, მოსავალი სრულად იყოს დაბინავებული.

„ჩვენი მთავარი ამოცანაა, რომ თითოეულმა მევენახემ სრულად დააბინაოს მიღებული მოსავალი. სწორედ ამიტომ, საქართველოს პრემიერ-მინისტრის, საქართველოს მთავრობის გადაწყვეტილებით, ჩვენ წელსაც ვახორციელებთ სუბსიდირებას რქაწითელის და კახური მწვანის ყურძენზე. ეს მხარდაჭერა აუცილებელია იმისათვის, რომ, ერთი მხრივ, დიდი რაოდენობის მოსავალი სრულად იქნას დაბინავებული და, მეორე მხრივ, ჩვენ შევინარჩუნოთ მისაღები ფასები. ვფიქრობთ, რომ 300 მლნ ლარამდე შემოსავალს მიიღებს დაახლოებით 25,000 ოჯახი კახეთში და ეს არის ძალიან მნიშვნელოვანი. აქვე მინდა აღვნიშნო ფასებთან დაკავშირებით, რომ ხარისხიან ყურძენზე არის დიდი მოთხოვნა; რქაწითელის შემთხვევაში, დაფიქსირდა 95 თეთრიდან 1,1 ლარამდე ფასები, ხოლო საფერავის შემთხვევაში, ფასები მერყეობს 1,5 ლარიდან 1,7 ლარამდე“, - განაცხადა ოთარ შამუგიამ.

მისივე თქმით, ამ დროისთვის მოსავლის მნიშვნელოვანი ნაწილი უკვე ჩაიბარეს ქარხნებმა.

„ გადამუშავებულია 120 ათას ტონაზე მეტი ყურძენი; მათ შორის, 65,0000-ზე მეტი რქაწითელი, 50,000 ტონამდე საფერავი და დანარჩენი სხვა ჯიშის ყურძენი. ვფიქრობთ, რომ კახეთში 300 მლნ ლარამდე შემოსავალს მიიღებს დაახლოებით 25 000 ოჯახი, რაც ძალიან მნიშვნელოვანია. რთველის პროცესი ორგანიზებულად და შეფერხებების გარეშე მიმდინარეობს,“- განაცხადა ოთარ შამუგიამ.
მინისტრის განცხადებით, ქართული ყურძენის ხარისხის გაუმჯობესება მნიშვნელოვანია, რაც მის საერთაშორისო რეპუტაციასა და ფასს განაპირობებს.

„ჩვენ, წლების განმავლობაში, არაერთ პროექტს ვახორციელებთ იმისთვის, რომ ყოველწლიურად გავაუმჯობესოთ ღვინის ხარისხი. ასევე ვმუშაობთ მარკეტინგის კუთხით. ბოლო წლების განმავლობაში, მნიშვნელოვანი ზრდა გვაქვს ღვინის ექსპორტში, მათ შორის წელსაც, მიუხედავად რეგიონში არსებული მდგომარეობისა, წინა წელთან შედარებით, ექსპორტი გაზრდილია. განსაკუთრებით მინდა აღვნიშნო პოლონეთი, სადაც 40-45%-იანი ზრდა გვაქვს; პოლონეთი ექსპორტში მეორე ადგილს იკავებს,” - განაცხადა ოთარ შამუგიამ.



მინისტრმა კახეთში სტუმრობისას, სოფელ ბუშეტსა და ოჟიოში ადგილობრივი ფერმერების ვენახები დაათვალიერა და რთველშიც მიიღო მონაწილეობა.

თელავის მუნიციპალიტეტის სოფელ ბუშეტში, მევენახე თემურ ქალიაშვილს საკარმიდამო ნაკვეთში რქაწითელისა და კახური მწვანის ჯიშის ყურძენი აქვს გაშენებული. მოსავლის ნაწილს პირადი მოხმარებისთვის წურავს, ხოლო ნაწილს ღვინის საწარმოს აბარებს. როგორც თემურ ქალიაშვილმა აღნიშნა, მოსავალი მან ყოველგვარი შეფერხების გარეშე უკვე ჩააბარა.




სოფელ ოჟიოში, ბექა ნახუცრიშვილს საკუთრებაში 26 ჰა ფართობზე ვენახი აქვს და სხვადასხვა დასახელების ღვინოს აწარმოებს.
ფერმერმა სოფლის განვითარების სააგენტოს პროგრამებით ისარგებლა და ღვინის მარნის მოსაწყობად 52 000 ლარზე მეტი საგრანტო დაფინანსება და 230 000 ლარის ოდენობით შეღავათიანი აგროკრედიტი მიიღო. მან, მექანიზაციის თანადაფინანსების პროგრამის ფარგლებში, 25 000 ლარის ღირებულების სასოფლო-სამეურნეო ტექნიკა შეიძინა. მარანი, წლიურად, 10 000 ბოთლ ღვინოს აწარმოებს, რომლის რეალიზაცია ადგილობრივ ბაზარზე ხორციელდება, თუმცა, მომავალში ექსპორტს საერთაშორისო ბაზრებზე გეგმავს.

ოთარ შამუგია, კახეთის მხარის სახელმწიფო რწმუნებულ გიორგი ალადაშვილთან ერთად, კომპანიის „მხოლოდ კარგი ღვინოები“ იტალიური წარმოების ღვინის ჩამოსხმისა და ეტიკეტირების სპეციალური შეკვეთით დამზადებული მანქანის მუშაობის სპეციფიკასაც გაეცნო.



როგორც მობილური საწარმოს მფლობელმა, ვასილ მანაგაძემ აღნიშნა, სპეციალიზებული მანქანის მომსახურების საშუალებით, მცირე და საშუალო ზომის მარნებს წვდომა აქვთ მაღალტექნოლოგიურ დანადგარებზე, რომელიც მევენახეებს უმცირებს პროდუქციის თვითღირებულებას და ზრდის მათი პროდუქციის საბოლოო ფასს.

აღსანიშნავია, რომ მობილური სერვისით აღჭურვილი მანქანა ოთხი თვეა ოპერირებს და 30-მდე მარანს უკვე გაუწია მომსახურება.
შპს „ბექაურის ვენახები“, რომელსაც მინისტრი ასევე სტუმრობდა, 100 ჰექტარზე მეტ ვენახს ფლობს ახმეტის, თელავისა და ყვარლის მუნიციპალიტეტებში. კომპანიამ 3 მლნ ლარის ღირებულების შეღავათიანი აგროკრედიტით ისარგებლა; კომპანიაში, ჯამში, 50 ადამიანია დასაქმებული. „ბექაურის ვენახები“, წელს 60 000-მდე ბოთლი ღვინის რეალიზაციას ჩინეთის ბაზარზე გეგმავს.

გარემოს დაცვისა და სოფლის მეურნეობის სამინისტროს ინფორმაციით, გასულ წლების მსგავსად, წელსაც რთველის შტაბი კოორდინაციას უწევს რთველის ორგანიზებულად ჩატარებას, ჩასაბარებელი ყურძნის აღრიცხვიანობისა და მიკვლევადობის უზრუნველყოფის სამუშაოებს. ყურძნის აღრიცხვა ერთიან ელექტრონულ სისტემაში მიმდინარეობს, რომელიც გარემოს დაცვისა და სოფლის მეურნეობის სამინისტროს მიერ 2013 წლიდან დაინერგა და მას შემდეგ ეფექტიანად ფუნქციონირებს.

ამ დროისთვის რთველი აქტიურ ფაზაშია კახეთის უმეტეს მუნიციპალიტეტში, გარდა საგარეჯოსი, რომელიც რთველის პროცესში, ტრადიციულად, მოგვიანებით ერთვება.



[R]

| Print |  E-mail
FaceBook Twitter Google
ამავე კატეგორიაში
საქართველოში ამ დროსითვის ხორბლის ფასი მნიშვნელოვნად შემცირდა,
რასაც კახელი ფერმერების მხრიდან უკმაყოფილება მოჰყვა. როგორც
ადგილობრივები ამბობენ, მათ ხორბლის თვითღირებულება იმაზე ძვირი
დაუჯდათ, ვიდრე გასაყიდი ფასია. რა გახდა ამის მიზეზი, რა პრობლემების
წინაშე დგანან ფერმერები და რა არის გამოსავალი? ამ საკითხზე
speqtri.ge საქართველოს ფერმერთა და სოფლის მეურნეობის მუშაკთა
პროფესიული კავშირის პრეზიდენტს ირინე ფხოველიშვილს ესაუბრა.
საქართველოში ამ დროსითვის ხორბლის ფასი მნიშვნელოვნად შემცირდა, რასაც კახელი ფერმერების მხრიდან უკმაყოფილება მოჰყვა. როგორც ადგილობრივები ამბობენ, მათ ხორბლის თვითღირებულება იმაზე ძვირი დაუჯდათ, ვიდრე გასაყიდი ფასია. რა გახდა ამის მიზეზი, რა პრობლემების წინაშე დგანან ფერმერები და რა არის გამოსავალი? ამ საკითხზე speqtri.ge საქართველოს ფერმერთა და სოფლის მეურნეობის მუშაკთა პროფესიული კავშირის პრეზიდენტს ირინე ფხოველიშვილს ესაუბრა.
18:09 / 05.05.2023
საგარეჯოს მუნიციპალიტეტის იორმუღანლოს თემის, სოფელ თულარის
მოსახლეობამ 37 ჰექტრამდე მიწის იჯარით გაცემასთან დაკავშირებით,
მერიისგან ზეპირი პასუხი მიიღო. როგორც ადგილობრივი აქტივისტი, თოზუ
გულმამედლი speqtri.ge-სთან საუბარში ამბობს, მას დაურეკს და უთხრეს,
რომ იჯარა გაუქმებულია.
საგარეჯოს მუნიციპალიტეტის იორმუღანლოს თემის, სოფელ თულარის მოსახლეობამ 37 ჰექტრამდე მიწის იჯარით გაცემასთან დაკავშირებით, მერიისგან ზეპირი პასუხი მიიღო. როგორც ადგილობრივი აქტივისტი, თოზუ გულმამედლი speqtri.ge-სთან საუბარში ამბობს, მას დაურეკს და უთხრეს, რომ იჯარა გაუქმებულია.
15:56 / 03.05.2023
საგარეჯოს მუნიციპალიტეტის იორმუღანლოს თემის, სოფელ თულარის
მოსახლეობამ მერიას და გუბერნიას, შეხვედრის თხოვნით განცხადებით
მიმართა. ისინი მათ სოფელში არსებული 37 ჰექტრამდე საძოვრის იჯარით
გაცემას აპროტესტებენ, რადგან ამ გადაწყვეტილებამ მათ საქონლის
გამოკვების შესაძლებლობა მოუსპო. ისინი პასუხს მერიისგან და
გუბერნიისგან ითხოვენ.
საგარეჯოს მუნიციპალიტეტის იორმუღანლოს თემის, სოფელ თულარის მოსახლეობამ მერიას და გუბერნიას, შეხვედრის თხოვნით განცხადებით მიმართა. ისინი მათ სოფელში არსებული 37 ჰექტრამდე საძოვრის იჯარით გაცემას აპროტესტებენ, რადგან ამ გადაწყვეტილებამ მათ საქონლის გამოკვების შესაძლებლობა მოუსპო. ისინი პასუხს მერიისგან და გუბერნიისგან ითხოვენ.
19:43 / 29.04.2023
სახელმწიფომ სოფელ თულარის საძოვარი სამწლიანი იჯარით გასცა ერთ
მოქალაქეზე, რის შესახებაც ადგილობრივებს ინფორმაცია არ ჰქონდათ.
სოფელს ეს მიწა თუ არ ექნება, მოსახლეობა ფიზიკურად შემოსავლის გარეშე
რჩება, - ამის შესახებ იორმუღალოს თემში მცხოვრები, თოზუ გულმამედლი
სოციალურ ქსელში წერს.
სახელმწიფომ სოფელ თულარის საძოვარი სამწლიანი იჯარით გასცა ერთ მოქალაქეზე, რის შესახებაც ადგილობრივებს ინფორმაცია არ ჰქონდათ. სოფელს ეს მიწა თუ არ ექნება, მოსახლეობა ფიზიკურად შემოსავლის გარეშე რჩება, - ამის შესახებ იორმუღალოს თემში მცხოვრები, თოზუ გულმამედლი სოციალურ ქსელში წერს.
17:25 / 27.04.2023
სამართალი
საგარეჯოს მუნიციპალიტეტის სოფელ გომბორის მიმდებარედ, უზბეკეთის მოქალაქე, 50 წლამდე ქალი მოკლეს.
22:15 / 23-05-2023
გურჯაანის მუნიციპალიტეტის სოფელ ვაზისუბნის სავარგულებში 32 წლის კაცი მოკლეს.
16:13 / 21-05-2023
მარტის თვეში საქართველოს მასშტაბით, უკანონო ტყითსარგებლობის 265 ფაქტი გამოვლინდა; მათგან ყველაზე მეტი შემთხვევა კახეთშია დაფიქსირებული.
16:43 / 12-04-2023
ეკონომიკა
გურჯაანის სამუსიკო სკოლის შენობის ორივე სართულს სრული რეაბილიტაცია უტარდება. მუნიციპალიტეტის მერიის ინფორმაციით, სარეაბილიტაციო სამუშაოები აქტიურად მიმდინარეობს.
13:15 / 24-05-2023
ლაგოდეხის მუნიციპალიტეტის მერიამ ა(ა)იპი „ლაგოდეხის სერვის ცენტრს“, ოთხი ახალი ავტომობილი გადასცა, რომლის საერთო ღირებულებამაც 575 556 ლარი შეადგინა.
11:21 / 29-03-2023
სხვა ამბები
მე ვამაყობ, რომ ჩემი პრემიერ-მინისტრობის პერიოდში, წილად მხვდა პატივი ხელი მომეწერა ევროკავშირთან ასოცირების შესახებ შეთანხმებაზე,- ამის შესახებ საქართველოს პრემიერ-მინისტრმა ირაკლი ღარიბაშვილმა საქართველოს დამოუკიდებლობის დღისადმი მიძღვნილ საზეიმო ღონისძიებაზე სიტყვით გამოსვლისას განაცხადა.
13:07 / 26-05-2023
თავისუფლების უპირველესი მტერია ომი. დღეს ჩვენი მოძმე უკრაინელი ხალხი რუსეთის მიერ დაწყებულ სასტიკ ომში უზარმაზარ მსხვერპლს იღებს საკუთარი თავისუფლების დასაცავად. მე კიდევ ერთხელ გამოვხატავ უკრაინისა და უკრაინელი ხალხის მიმართ თანადგომას, ომის მალე დასრულებას, მშვიდობას, გამთლიანებას და თავისუფლებას ვუსურვებ
12:39 / 26-05-2023
26 მაისი საქართველოს დამოუკიდებლობის დღეა. დამოუკიდებლობის დღე მთელი ქვეყნის მასშტაბით აღინიშნება.
09:00 / 26-05-2023
პრემიერ-მინისტრის, ირაკლი ღარიბაშვილის განცხადებით, ჩინეთი მედიაციას ცდილობს უკრაინასა და რუსეთს შორის, რაც ძალიან ჭკვიანური მიდგომაა.
13:01 / 24-05-2023
პირველკლასელთა რეგისტაციის მეორე ეტაპი, რომელიც 2 მაისს დაიწყო, დღეს დასრულდება
09:49 / 19-05-2023
ლატვიაში გამართულ ევროპის ჩემპიონატზე გურჯაანის კიკბოქსინგის კლუბ "მგლების" სპორტსმენებმა ორი პირველი და ერთი მესამე ადგილი აიღეს.
15:40 / 10-05-2023
ვალუტა
EUR
EUR
1
3.5859
USD
USD
1
3.2054
GBP
GBP
1
4.2911
TRY
TRY
1
0.2316
RUB
RUB
100
3.2024
ამინდი
გურჯაანი 18 / 30 °C
img
საგარეჯო 17 / 29 °C
img
დ.წყარო 17 / 30 °C
img
სიღნაღი 18 / 32 °C
img
ლაგოდეხი 17 / 27 °C
img
ყვარელი 18 / 30 °C
img
თელავი 18 / 30 °C
img
ახმეტა 17 / 30 °C
img
კალენდარი
«« ივნისი 2023 »»
293031 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 12

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.