ვიდეო
ზიარი-არაშენდის ჩანგრეული გზა-კატასტროფის რეალური საფრთხე [Video]
PLAYER_GET_VIDEOFLASH
ზიარი-არაშენდის დამაკავშირებელი გზის ერთი მონაკვეთი ინგრევა და ასფალტის საფარი ნაწილ-ნაწილ ხევისკენ მიიწევს. ჯერ კიდევ გასული წლის ნოემბერში ასფალტის მხოლოდ კიდე იყო ჩანგრეული, ახლა კი გზა ისე დავიწროვდა, რომ ფაქტობრივად რეალურია საფრთხე ავტომობილი ხევში გადაიჩეხოს. აღსანიშნავია, რომ არსებული მონაკვეთი დამეწყრილია და სიტუაციას კი ბოლო დროს გახშირებული ნალექი ამწვავებს. ჩუმლაყელი ტაქსის მძღოლი გივი დათუაშვილი ამბობს, რომ ამ მიმართულებით არც თუ ისე ხშირად უწევს გადაადგილება და ჩანგრეული გზის შესახებ ინფორმაცია არ ჰქონდა.

თუმცა აღნიშნავს, რომ გზის ეს მონაკვეთი იმ მძღოლებისთვის უფრო სახიფათოა, ვინც ამ დაზიანების შესახებ არ იცის: „ეგ გზა თუ არ გაკეთდება, შეიძლება ვიღაცა ხამი კაცი ღამე მიდიოდეს, რომელიც ამ გზაზე არ არის ნამყოფი და ხრამში გადავარდეს. შესაბამისმა სამსახურებმა აღნიშნულ ფაქტზე დაუყოვნებლივ უნდა მოახდინონ რეაგირება, სანამ სიტუაციას მსხვერპლი არ მოჰყოლია“. ანალოგიურ საფრთხეზე გვესაუბება ახაშნელი მძღოლი ლევან იასეშვილი. გურჯაანის მკვიდრის გია ქიტიაშვილის თქმით კი ეს მონაკვეთი სახიფათოა, როგორც მძღოლებისთვის, ისე მგზავრებისთვისაც: „ფული არის თუ არა, რაიონის ბიუჯეტიდან სასწრაფოდ უნდა გამოიყოს თანხა ამ პრობლემის მოსაგვარებლად. ვინაიდან, უარეს შემთხვევაში შესაძლოა ადამიანი დაიღუპოს, უკეთეს შემთხვევაში კი მანქანები დაიმტვრას.“

გურჯაანის გამგეობის პრესამსახურის სპეციალისტის ია დათუკიშვილის ინფორმაციით, ადგილობრივი ხელმძღვანელობა პრობლემის შესახებ ინფორმირებულია და მის მოგვარებას ცდილობს. „გამომდინარე იქიდან, რომ ჩანგრეული გზის გაკეთება დამოუკიდებლად შეუძლებელია, ჩვენ უკვე თხოვნით მივმართეთ შესაბამის სტრუქტურას და ერთობლივად ვცდილობთ ამ პრობლემის მოგვარებას“. მისივე თქმით, გეოლოგებმა უკვე შეისწავლეს დამეწყრილი ადგილი, რის შემდეგაც საბოლოო დასკვნის საფუძველზე, გადაწყდება, რა სახის სამუშაოებია შესასრულებელი, თუმცა როდის დაიწყება გზის რეაბილიტაცია, უცნობია. აქვე ისიც უნდა აღინიშნოს, რომ დაზიანებული გზის მხარეს ფაქტობრივად უკანონო ნაგავსაყრელია. გამგეობის პრესამსახურში განგვიმარტავენ, რომ დაახლოებით ერთი კვირის წინ მოხდა ამ ადგილის გაწმენდა, თუმცა მოსახლეობა კვლავინდებურად აგრძელებს მის დაბინძურებას. „გამგეობას არ მიუმართავს გარემოს დაცვის ინსპექციისთვის, რადგან ეს სამსახური ისედაც მუშაობს. თუ დანაშაულის ფაქტი დაფიქსირდა და შეტყობინება შევიდა, შესაბამისი სამსახური კანონის დამრღვევს დააჯარიმებს. თუმცა ეს მონაკვეთი დაუსახლებელია და დამნაშავის გამოვლენა მარტივად არ მოხდება“, - ამბობს დათუკიშვილი.

გამგეობის ოფიციალური კომენტარის მიხედვით, ეს ტერიტორია რამდენიმე დღის წინ გაწმინდეს, თუმაცა ფაქტია, უკანონო ნაგავსაყრელზე საყოფაცხოვრებო და სამშენებლო ნარჩენებთან ერთად მკვდარი ცხოველებიც ყრია.
| Print |  E-mail
FaceBook Twitter Google
თეგები ზიარი / ეკოლოგია /
ამავე კატეგორიაში
გურჯაანელი ნინო ბეჟანიშვილი რუსული ენის პედაგოგია. ონლაინ სწავლების
დროს, როდესაც ბევრი თავისუფალი დრო ჰქონდა, თავის თავში ბავშვობის
ნიჭი გააცოცხლა. ასე შექმნა ჯერ პორტრეტები, შემდეგ კი პეიზაჟები.
ყველაფერი სახლში ნაპოვნი ერთი ფანქრით დაიწყო.
გურჯაანელი ნინო ბეჟანიშვილი რუსული ენის პედაგოგია. ონლაინ სწავლების დროს, როდესაც ბევრი თავისუფალი დრო ჰქონდა, თავის თავში ბავშვობის ნიჭი გააცოცხლა. ასე შექმნა ჯერ პორტრეტები, შემდეგ კი პეიზაჟები. ყველაფერი სახლში ნაპოვნი ერთი ფანქრით დაიწყო.
17:24 / 02.07.2020
მარინა ყალაბეგაშვილი გურჯაანის მეოთხე საჯარო სკოლაში ხელოვნებას
ასწავლის. შემოქმედებითი საქმიანობა ბავშვობიდან იტაცებდა,
მარინა ყალაბეგაშვილი გურჯაანის მეოთხე საჯარო სკოლაში ხელოვნებას ასწავლის. შემოქმედებითი საქმიანობა ბავშვობიდან იტაცებდა,
15:52 / 02.07.2020
რას ფიქრობენ გურჯაანში, გვიცავს თუ არა პირბადე კორონავირუსისგან
- ნახეთ speqtri.ge-ს გამოკითხვა.
რას ფიქრობენ გურჯაანში, გვიცავს თუ არა პირბადე კორონავირუსისგან - ნახეთ speqtri.ge-ს გამოკითხვა.
15:28 / 10.06.2020
როგორ შეიძლება დავეხმარო კორონავირუსის გავრცელების შეჩერებას, როგორ
დავიბანო ხელები სწორად? – ამ და სხვა მნიშვნელოვანი რეკომენდაციების
შესახებ იხილეთ ვიდეორგოლში.
როგორ შეიძლება დავეხმარო კორონავირუსის გავრცელების შეჩერებას, როგორ დავიბანო ხელები სწორად? – ამ და სხვა მნიშვნელოვანი რეკომენდაციების შესახებ იხილეთ ვიდეორგოლში.
12:05 / 25.05.2020
სხვა ამბები
ლაგოდეხელი 17 წლის ერეკლე თურქაძე, ინტერნეტ-სერიალ ,,ნინველში’’ მთავარ როლზე დაამტკიცეს. ამის შესახებ დამწყები მსახიობი თავად გვესაუბრება.
18:03 / 26-06-2020
კორონავირუსის გავრცელების პრევენციის მიზნით, განათლების სისტემა დისტანციური სწავლების ფორმატზე გადავიდა.
13:32 / 25-06-2020
აბიტურიენტებმა ეროვნული გამოცდების წერა შესაძლოა, პირბადის გარეშე შეძლონ
18:14 / 24-06-2020
გიორგი ლეონიძის შთაგონების წყარო სოფელი პატარძეული იყო და მისი „ნატვრის ხის“ პერსონაჟებიც პატარძეულელები არიანო - ამბობს პოეტი რომან ზუკაკიშვილი.
14:27 / 24-06-2020
ავთანდილ თუნიაშვილი დღემდე ინახავს გასული საუკუნის 50-იანი წლების სიგელებსა და აფიშებს. მისი თქმით, ალბათ, ბევრმა არ იცის, რომ გურჯაანში ქართული ქორეოგრაფიის ფუძემდებელი შოთა თუნიაშვილია, რომლის დამსახურებაცაა რაიონში პირველი ქორეოგრაფიული ანსამბლის დაარსება.
13:20 / 24-06-2020
ხატვა ექვსი წლიდან დაიწყო და მისთვის სერიოზულ გატაცებად იქცა. უფრო ხშირად ღამით ხატავს, განსაკუთრებით კი პეიზაჟები იტაცებს. აკრილის საღებავით მუშაობს, ხშირად კი შერეულ მასალასაც იყენებს.
13:49 / 23-06-2020
ვალუტა
EUR
EUR
1
3.4655
USD
USD
1
3.0600
GBP
GBP
1
3.8681
TRY
TRY
1
0.4456
RUB
RUB
100
4.3263
ამინდი
გურჯაანი 20 / 31 °C
img
საგარეჯო 19 / 27 °C
img
დ.წყარო 18 / 27 °C
img
სიღნაღი 21 / 32 °C
img
ლაგოდეხი 18 / 28 °C
img
ყვარელი 20 / 31 °C
img
თელავი 19 / 27 °C
img
ახმეტა 19 / 27 °C
img
კალენდარი
«« ივლისი 2020 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.