ვიდეო
კახელი იუმორისტები დამდეგს გვილოცავენ [Audio]
კახელი იუმორისტები დამდეგ 2021 წელს გვილოცავენ.
ბესო ბერულაშვილი - ვირთხის წელში ვარ დაბადებული, ჰოდა მაინც და მაინც ამ წელს მოუნდათ ღამურის შეჭმა, ლამის გადაგვიყოლეს მთელი მსოფლიო. არაუშავს, უარესები გადაგვიტანია და ამასაც გავუძლებთ, მით უმეტეს, კახელები მაგარი ამტანები ვართ. მხოლოდ წისქვილის ქვა არ დატრიალებულა ჩვენ თავზე, თორემ დანარჩენი ყველაფერი გვჭირდა. იმედიანად, სიყვარულით, სიხარულით მინდა მივულოცო დამდეგი ახალი წელი სრულიად საქართველოს, განსაკუთრებით კი - ჩემს კახელებს. ჩემი ყველაზე დიდი სავიზიტო ბარათი ის არის, რომ კახელი ვარ. ხვავი, ბარაქა, სიხარული, სიკეთე, ყველაფერი ლამაზი და კარგი დაებედოთ კახელებს, გულიანად იყვნენ, იუმორის გრძნობა არ დაკარგონ და ჩვენი კახური დიალექტი უფრო გაამდიდრონ თავისი მრავალფეროვნებით. ხანდახან ხდება ხოლმე, გვიყვარს, სამსართულიანიდან ვიწყებთ და თექვსმეტსართულიან გინებაზე გადავდივართ. თოვლის პაპა კიდე მალე მოვიდეს, ეს წელი გააგდოს და ახალი წელი მალე მოგვილოცოს.



ვანო იანტბელიძე - მივულოცავ დამდეგ ახალ წელს ჩემს ძვირფას თელავს, კახეთსა და სრულიად საქართველოს. ვუსურვებ ჯანმრთელობას, ბედნიერებას, მოცილებულიყოს ეს კოვიდი და სიმშვიდე გვქონოდეს. ამუშავებულიყოს თეატრები, დარბაზები, ტურიზმი, ის, რაც აფერხებს ჩვენ ცხოვრებასა და ყოფას. 2020 გამორჩეულად ცუდი წელი იყო. პატარა აღარ ვარ, თუმცა პირველად ვნახე, რა არის პანდემია და როგორ შეუძლია ვირუსს მთელი მსოფლიოს შეცვლა. დარწმუნებული ვარ, 2021-დან ეს ყველაფერი გადაივლის. დღეგრძელი იყოს ჩვენი ქვეყანა! ერთმანეთს გავუფრთხილდეთ, ნუ მოვკლავთ, ვეცადოთ, რომ ყველას გულში სიხარული იყოს.

გია ბაღაშვილი - გულით მინდა მივულოცო დამდეგი ახალი წელი მთელ საქართველოს და განსაკუთრებით ჩემს მშობლიურ მხარეს, უსაყვარლეს კახეთს, გასაოცარ ხალხს სტუმართმოყვარეობით, ვაჟკაცობით, სიბრძნით. მინდა საუკეთესო წელი გისურვოთ, ღმერთმა გვაშოროს ყველა ის განსაცდელი, რომელიც მოიტანა 2020-მა. სრულიად მოულოდნელად დაგვატყდა თავს საერთო გასაჭირი, ღმერთმა შეგვაძლებინოს ამ ყველაფრისგან თავის დაღწევა. ბევრი ძვირფასი ადამიანი წაგვართვა პანდემიამ, ამის არ თქმა არ შეიძლება. თუმცა, როდესაც ახალი წლის მოლოდინზეა საუბარი, რა თქმა უნდა, ყველაფერი საუკეთესო გვინდა დავიბედოთ. სწორედ ამიტომ, პირველ რიგში, მინდა გისურვოთ ჯანმრთელობა, ხვავი და ბარაქა არ გამოგილიოთ გამჩენმა. დაე, 2021 წელს ბევრად წელში გამართულები და თავდაჯერებულები, ბევრად მეტი დადებითი ამბით შევხვედროდით.



გეგე სულხანიშვილი - 76 წლის უნდა გავხდე მარტში, რა აღარ მინახავს ქვეყანაზე, მაგრამ კორონას მსგავსი - არაფერი. რაღაც კარგი შეიძლება მოხდა, მაგრამ 2020 ძალიან ცუდი წელი იყო. ისეთი კარგი ხალხი წაგვართვა პანდემიამ, ერთი სული მაქვს, როდის გავაცილებთ. მჯერა, რომ 2021 ბედნიერი წელი იქნება, საშუალოც რომ იყოს, მაინც კარგი გამოჩდნება ამ ფონზე. ქართველი კაცი იმედით ცოცხლობს, ოდითგანვე ასე იყო და მეც იმედიანად ვარ, ყველაფერი კარგად იქნება და ბევრი კარგი რამ მოხდება. სიცილითა და სიხარულით უნდა შევხვდეთ ახალ 2021 წელს, მიყვარხართ ჩემო კახელებო, თქვენ გენაცვალეთ!

| Print |  E-mail
FaceBook Twitter Google
ამავე კატეგორიაში
რა უნდა ვიცოდეთ კოვის საწინააღმდეგო ვაქცინაციის დროს, რა კითხვებს
უნდა ვუპასუხოთ გულწრფელად და რას მივაქციოთ განსაკუთრებული
ყურადღება. მოუსმინეთ ალერგოლოგ-იმუნოლოგ ბიძინა კულუმბეგოვს.
რა უნდა ვიცოდეთ კოვის საწინააღმდეგო ვაქცინაციის დროს, რა კითხვებს უნდა ვუპასუხოთ გულწრფელად და რას მივაქციოთ განსაკუთრებული ყურადღება. მოუსმინეთ ალერგოლოგ-იმუნოლოგ ბიძინა კულუმბეგოვს.
17:57 / 24.03.2021
იორმუღანლოს თემის სოფელ ლამბალოში მცხოვრები 62 წლის ფატმა მამედოვა
პროფესიით დაწყებითების პედაგოგია, თუმცა ამჟამად ლამბალოს საბავშვო
ბაღში მუშაობს.
იორმუღანლოს თემის სოფელ ლამბალოში მცხოვრები 62 წლის ფატმა მამედოვა პროფესიით დაწყებითების პედაგოგია, თუმცა ამჟამად ლამბალოს საბავშვო ბაღში მუშაობს.
10:12 / 13.03.2021
იორმუღანლოს თემში საქორწინო სამზადისი ჭიშკარზე ბანტების შებმით
იწყება. ყველაზე მნიშვნელოვანი კი, რომლის გარეშეც ეს დღესასწაული არ
არსებობს, არის კათტამა - ტკბილეული, რომელსაც საპატარძლოს მხარე
ამზადებს და სხვა საჩუქრებთან ერთად სასიძოს ოჯახს სტუმრობს.
იორმუღანლოს თემში საქორწინო სამზადისი ჭიშკარზე ბანტების შებმით იწყება. ყველაზე მნიშვნელოვანი კი, რომლის გარეშეც ეს დღესასწაული არ არსებობს, არის კათტამა - ტკბილეული, რომელსაც საპატარძლოს მხარე ამზადებს და სხვა საჩუქრებთან ერთად სასიძოს ოჯახს სტუმრობს.
14:45 / 23.01.2021
გურჯაანის კულტურის ცენტრის საესტრადო ანსამბლ „იმედის“ წევრების
მონაწილეობით, საახალწლო კლიპი შეიქმნა.
გურჯაანის კულტურის ცენტრის საესტრადო ანსამბლ „იმედის“ წევრების მონაწილეობით, საახალწლო კლიპი შეიქმნა.
13:23 / 29.12.2020
სამართალი
ყვარელი-ახალსოფელის დამაკავშირებელ გზაზე მომხდარი ავარიის შედეგად ახალგაზრდა მამაკაცი მძიმედ დაშავდა.
17:04 / 22-04-2021
სამსახურებრივი მოვალეობის შესრულების დროს ლაგოდეხში, ,,ენერგო-პრო ჯორჯიას” თანამშრომელი გარდაიცვალა.
09:49 / 22-04-2021
ლაგოდეხში მომხდარ ავტოსაგზაო შემთხვევას, ორი ადამიანის სიცოცხლე ემსხვერპლა. შემთხვევა გურჯაანი-აფენის გზაზე მოხდა.
10:32 / 21-04-2021
ეკონომიკა
დედოფლისწყაროს მუნიციპალიტეტის, სოფელ ზემო მაჩხაანში, მეორე და მეცხრე ქუჩების შიდა საავტომობილო გზის რეაბილიტაცია დასკვნით ეტაპზეა.
12:45 / 23-04-2021
სამთაწყარო-ფიროსმანის დამაკავშირებელი საავტომობილო გზის სარეაბილიტაციო სამუშაოები აქტიურ ფაზაშია.
15:55 / 22-04-2021
სხვა ამბები
სოფელ ხირსაში მინი სპორტული მოედნის რეაბილიტაცია მიმდინარეობს. სამუშაოები სიღნაღის მუნიციპალიტეტის მერმა ადგილზე მოინახულა. მოედნის მშენებლობა რეგიონალური განვითარების ფონდის და ადგილობრივი ბუჯეტის დაფინანსებით ხორციელდება. სარეაბილიტაციო სამუშაოები უახლოეს მომავალში დასრულდება. [R]
16:05 / 23-04-2021
გურჯაანის მუნიციპალიტეტში სასკოლო სპორტული სპარტაკიადის ფარგლებში მინი ფეხბურთის ტურნირი ჩატარდა. ფინალში ვეჯინის სკოლის გუნდი ქალაქ გურჯაანის მეორე საჯარო სკოლის გუნდს შეხვდა და პირველი ადგილი დაიკავა.
12:08 / 21-04-2021
გურჯაანის მუნიციპალიტეტის სოფელ არაშენდის საჯარო სკოლის მეთორმეტე კლასი ონლაინსწავლებაზე გადავიდა.
10:08 / 21-04-2021
განათლებისა და მეცნიერების სამინისტროს ინფორმაციით, მიმდინარე კვირაში, სკოლებში ინფიცირების მაჩვენებელი გაზრდილია.
12:20 / 19-04-2021
აპრილიდან საჯარო სკოლებში მოსწავლეებთან, სოციალური მუშაკები იმუშავებენ. ისინი სასკოლო ცხოვრებაში მშობელთა ჩართულობის მხარდაჭერით მოსწავლეებს სხვადასხვა სოციალური ბარიერის დაძლევაში დაეხმარებიან.
11:27 / 12-04-2021
ტესტი
1939 წლის 26 მარტს დაიბადა თანამედროვე ქართველი კლასიკოსი მწერალი, გურამ დოჩანაშვილი. მისი უამრავი ნაწარმოები შეიყვარა საზოგადოებამ. გთავაზობთ კითხვარს, რომელიც სწორედ გურამ დოჩანაშვილის შემოქმედებას ეხება. უპასუხე კითხვებს და გაიგე, რამდენად კარგად იცნობ მის ნაწამოებებს.
08:59 / 26-03-2021
ანონსი
სარეაბილიტაციო სამუშაოების გამო, 6 მაისს ელექტროენერგიის მიწოდება შეეზღუდება „ენერგო-პრო ჯორჯია“-ს აბონენტების ნაწილს
16:29 / 05-05-2021
ვალუტა
EUR
EUR
1
4.1334
USD
USD
1
3.4399
GBP
GBP
1
4.7873
TRY
TRY
1
0.4114
RUB
RUB
100
4.6010
ამინდი
გურჯაანი 9 / 18 °C
img
საგარეჯო 7 / 13 °C
img
დ.წყარო 5 / 12 °C
img
სიღნაღი 8 / 17 °C
img
ლაგოდეხი 8 / 16 °C
img
ყვარელი 9 / 18 °C
img
თელავი 9 / 15 °C
img
ახმეტა 9 / 16 °C
img
კალენდარი
«« მაისი 2021 »»
2627282930 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.