გურჯაანის ნომერ მეთორმეტე საოლქო საარჩევნო კომისიაში, მხოლოდ ორი საჩივარია შესული.


როგორც ჩვენთან საუბარში კომისიის თავმჯდომარე მაია ჩუთლაშვილმა აღნიშნა, საჩივრები 22-ე და 30-ე უბნებზე დაიწერა.
„სოფელ გურჯაანში 22-ე უბანზე საკონტროლო ფურცელზე დრო არ იყო დაფიქსირებული, ხოლო ბაკურციხის 30-ე უბანზე თავმჯდომარემ ჟურნალისტს თავისუფალი გადაღების საშუალება არ მისცა. ჩვენ ჩავერიეთ და სიტუაცია დარეგულირდა.“- გვითხრა მაია ჩუთლაშვილმა.
მისივე თქმით, აღნიშნული საჩივრების განხილვა, სავარაუდოდ, დღეს გაიმართება, შედეგი კი ხვალ იქნება ცნობილი.