ცენტრალურ საარჩევნო კომისიის ინფორმაციით, 17:00 საათზე
ამომრჩეველთა აქტივობამ შეადგინა 47.31%, რაც რაოდენობრივად 1 662 453
ამომრჩეველია.
ყველაზე მაღალი აქტივობა დაფიქსირდა ქედის საარჩევნო ოლქში - 58%,
ხოლო ყველაზე დაბალი - 37% წალკის საარჩევნო ოლქში. პრეზიდენტის
არჩევნების პირველი ტურისთვის ამომრჩეველთა აქტივობამ 17:00 სთ-ზე
შეადგინა 38.16%, რაც რაოდენობრივად 1 337 284 ამომრჩეველი იყო.
„ამომრჩევლებს შევახსენებთ, რომ საქართველოში, საარჩევნო უბნების
დახურვამდე სულ რამდენიმე საათი დარჩა და მოვუწოდებთ აქტიურობისკენ,
ვინაიდან თითოეული მათგანის ხმა მნიშვნელოვანია,“ - განაცხადა
ცესკოს პრეს-სპიკერმა ანა
მიქელაძემ.
ამომრჩეველთა აქტივობა საარჩევნო ოლქების მიხედვით
იხილეთ ბმულზე.
მასალის გამოყენების პირობები