ნატალია ბარბაქაძე

 ყვარლის #16 საარჩევნო ოლქის უბნებზე განხორციელებულ დარღვევებთან დაკავშირებით ქართული ოცნების წარმომადგენელმა დავით მირზიკაშვილმა საოლქოში საჩივარი შეიტანა და 5 _ კერძოდ, ყვარლის #2, ენისელის #24, საბუის #25, ჭიკაანის #14 და #30 უბნების შედეგების გაუქმება მოითხოვა. თუმცა, 4 ოქტომბერს ჩატარებულ სხდომაზე საოლქო კომისიამ საჩივარი არ დააკმაყოფილა. ამის შემდეგ გადაწყვეტილება კოალიციამ გურჯაანის რაიონულ საამართლოში გაასაჩივრა, მაგრამ ვითარება არც ამის შემდეგ შეცვლილა. "ჩვენ მოვითხოვდით ყვარლის #16 საოლქოს 5 უბნის შედგების გაუქმებას. რამდენიმე უბანზე `ნაციონალებმა~ ამომრჩეველი მოისყიდეს და ხმები ამ გზით მიიღეს. ყვარლის უბანზე კი მაჟორიტარულ არჩევნებში მონაწილეობის მიღების უფლება არ ჰქონდათ სასაზღვრო ჯარის ნაწილების წარმომადგენლებს, რომელთა უმრავლეოსობა არ იყო ყვარლის მაცხოვრებელი. თუმცა, კომისიამ განმარტა, რომ ეს კანონდარღვევა არ არის. იგივე პასუხი მივიღეთ სასამართლოსგანაც." _ გვითხრა `ქართული ოცნების~ ყვარლის რაიონული შტაბის წევრმა ოთარ ადომლიშვილმა. მისივე განმარტებით, ეს გადაწყვეტილება სააპელაციო სასამართლოში გაასაჩივრეს და ამჟამად მათ განაჩენს ელოდებიან.