დარღვევების შესახებ ინფორმაციას აქვეყნებს საერთაშორისო გამჭვირვალობა საქართველო. მათი ინფორმაციით, ახმეტის მეთვრამეტე საოლქო კომისიის #4 საარჩევნო უბანზე არ ამოწმებენ მარკირებას.

• ლაგოდეხის 15-ე საოლქო კომისიის #36 საარჩევნო უბანზე კომისიის წევრები არ აძლევენ საჩივრის ფორმებს დამკვირვებლებს.
• გურჯაანის მეთორმეტე საოლქო კომისიის #2 საარჩევნო უბანზე დამკვირვებელი ინიშნავს ამომრჩევლების ვინაობას და პირად ნომრებს, რაშიც კომისიის წევრებიც ეხმარებიან. თავმჯდომარე ამ ფაქტზე არ ახდენს რეაგირებას. დავწერეთ საჩივარი.
• გურჯაანის 12-ე საოლქო კომისიის #1 საარჩევნო უბანზე ჩვენს წარმომადგენელს ფოტოების გადაღების გამო აძევებდნენ. საბოლოოდ, მას, საოლქო კომისიის ჩარევის შემდეგ, აღარ დაატოვებინეს უბანი.
• 08:52 - გურჯაანის მეთორმეტე საოლქო კომისიის #34 საარჩევნო უბანზე სამაგიდო სიაში არ არის გადასატანი ყუთის ამომრჩევლის აღნიშვნები. ცესკოს წარმომადგენლის შენიშვნის მერე გასწორდა.