გვიან ღამით, დედოფლისწყაროში, "ნაციონალური მოძრაობის“ მაჟორიტარობის კანდიდატის ლევან ბეჟაშვილის საარჩევნო ბანერი დააზიანეს და ოფისის მინები ჩაამსხვრიეს.
„ნაციონალური მოძრაობის“ რაიონული ორგანიზაციის ხელმძღვანელი ლევან ბაღაშვილი მომხდარს ყოფილი პრემიერის ირაკლი ღარიბაშვილის ბიძას- ზურაბ გონაშვილს, მეტსახელად „კაკაშას“ უკავშირებს.

მომხდარზე გამოძიება დაიწყო კახეთის პოლიციის დეპარტამენტის დედოფლისწყაროს რაიონულმა სამმართველომ დაიწყო. როგორც speqtri.ge-ს უწყების პრესსამსახურში განუცხადეს,  საქმე სისხლის სამართლის კოდექსის 187-ე მუხლით არის აღძრული, რაც სხვისი ნივთის დაზიანებას გულისხმობს.

ცნობისთვის, ერთიანი ნაციონალური მოძრაობის" დედოფლისწყაროს ოფისზე თავდასხმის ეს პირველი შემთხვევა არ არის. გასული წლის დეკემბერში პარტიის ოფისი დაცხრილეს.