43-ე უბანზე ამომრჩევლის დასახმარებლად პიროვნება რამდენჯერმე შემოიყვანეს
N23 საგარეჯოს საარჩევნო ოლქის თულარის #43 უბანზე მარიამ ჭუმბურიძემ
4 საჩივარი დაწერა. ერთ-ერთ საჩივარში აღნიშნულია, რომ პიროვნება,
რომელიც ერთხელ უკვე დაეხმარა უსინათლო ამომრჩეველს რამდენჯერმე
შემოიყვანეს დასახმარებლად.
ასევე დაფიქსირდა ფაქტი, როდესაც ამომრჩეველმა კაბინაში შეიტანა
კონვერტი. უბანზე ერთდროულად იმყოფებოდა 6 ამომრჩეველი, რაც მარიამ
ჭუმბურიძის აზრით, არჩევნების კეთილსინდისიერად ჩატარებას ხელს
უშლიდა.
გარდა ამისა, სადემონსტრაციო ოქმის გრაფაში "მიიღო საარჩევნო
ბიულეტენი"- 8-იანის ნაცვლად ასახულია ციფრი 0, რაც მანიპულაციის
საშუალებას იძლევა. მარიამ ჭუმბურიძის თქმით, მარტივია, რომ 0 სხვა
ციფრად გადააკეთონ.
მასალის გამოყენების პირობები