მას შემდეგ, რაც პუტინმა საქართველოს წინააღმდეგ სანქციებს მხარი არ დაუჭირა, რუსეთის სათათბიროში განაცხადეს, რომ საკუთარი რეკომენდაციების უკან გაწვევას არ აპირებენ.

ინფორმაციას რია ნოვოსტი ავრცელებს.

"ვლადიმერ პუტინისთვის, რა თქმა უნდა, უხერხულია საკუთარი თავი დაიცვას, მაგრამ ჩვენ ხომ არ ვსაუბრობთ კონკრეტულად პუტინზე განცხადების შესახებ... ჩვენ ვსაუბრობთ იმაზე, რომ თუ საქართველოში ასე გაგრძელდა, ხელისუფლებამ აუცილებლად უნდა მიიღოს ზომები", – განაცხადა რუსეთის დუმის დსთ-ის ქვეყნებთან ურთიერთობის კომიტეტის თავმჯდომარემ ლეონიდ კალაშნიკოვმა.