ესაუბრა მაია ყალაბეგაშვილი

ალბათ, სხვა შემთხვავაში კახეთის რეგიონული გაზეთისთვის, ეს კითხვები ასეთი აქტუალური არ იქნებოდა, მაგრამ თქვენ რამდენიმე დღის წინ ის თანხა გადაიხადეთ, რომელზეც კატეგორიულ უარს აცხადებდით და როგორც აღნიშნეთ, დაზარალებულების მდგომარეობამ გადაგაწყვეტინათ:

_ ხელისუფლების წარმომადგენლებმა თქვენს განმარტებებს თანხის გადარიცხვასთან დაკავშირებით, `წინასაარჩევნო პოპულისტური განცხადებები~ უწოდეს და საპირისპიროდ ის არგუმენტი გამოიყენეს, რომ 80 მილიონის გადახდის შემდეგ, თქვენმა ადვოკატებმა დაყადაღებული ქონების დაბრუნება ითხოვეს. რა პარალელს გაავლებდით ამ ორ ფაქტს შორის?

_ მე ვფიქრობ, რომ სასირცხვილო არაფერი ჩამიდენია, როცა ქონება დასაყადაღებლად მივეცი. სხვათა შორის, ამ ქმედებებს თავისი პლიუსები აქვს. ყველა ეს არაკანონიერი გადაწყვეტილება გროვდება, ჩვენ ამ სიას ვაკეთებთ და ევროპელებსაც და ამერიკელებსაც გავაცნობთ, იმ მოტივით, რომ ყველამ ნათლად დაინახოს_ ქვეყანაში სასამართლო რეალურად არ არსებობს და ერთი კაცი წყვეტს ყველაფერს. ნებისმიერი მათი ქმედება კრიმინალურია. მითხრეს, როგორ ურეკავდა ბოკერია სააკაშვილს და ეუბნებოდა: `ბანკი უნდა ავახიოთო~. აი, ასე მოქმედებენ ეგენი და არა როგორც პოლიტიკოსები. ისე არიან შეშინებულები, რომ ანგარიშს აღარაფერს უწევენ, ასეთი დამოკიდებულება იყო ბანკთან და სხვა სტრუქტურებთან მიმართებაშიც, გინდაც `ელიტა ბურჯთან~. ბანკი დააყადაღეს, მიუხედავად იმისა, რომ გადახდა შემეძლო, მივეცი ამის უფლება, რადგან ჩემთვის ძალიან დიდი მნიშვნელობა აქვს პრინციპებს.

_ ე.ი. თქვენი პრინციპების გამოსახატავად მიეცით ბანკის დაყადაღების საშუალება?

_ შეგახსენებთ კონსტიტუციას, რომელიც თითქოს ჩემს სასარგებლოდ შეცვალეს. მე როცა პოლიტიკაში მოსვლა გადავწყვიტე, ჩემი ვალდებულებებიც კარგად გავითავისე _ ვალდებულებები ქვეყნისა და ხალხის წინაშე, ამიტომ საკუთარ თავს ზედმეტი მანევრების უფლებას არ მივცემ. აქაც ვნახე მორალური პოზიციის დაჭერის საჭიროება და უარი ვთქვიAამ ცვლილებების გამოყენებაზე. ვიცოდი, რომ ბანკის დაყადაღება მის დანგრევას გამოიწვევდა, მაგრამ ისევ მორალური პრინციპებიდან გამომდინარე უარი ვთქვი თანხის გადახდაზე. თუმცა ჩემთვის გაცილებით იოლი იყო ჯარიმა გადამეხადა და ბანკის დანგრევის საშუალება არ მიმეცა, რომელიც ამ ჯარიმაზე გაცილებით ძვირი ღირს. მე ქვეყნის კანონმდებლობას ვექვემდებარები. მიუხედავად იმისა, რომ ჯარიმები, რომელიც იქამდე გამომიწერეს არაკანონიერი იყო, მაინც გადავიხადე, მინდოდა მეჩვენებინა რამდენად უსამართლო იყო მათი მიდგომა. მაგრამ როცა ამან დაუსრულებელი სახე მიიღო და გეომეტრიული პროგრესიით დაიწყეს სვლა, ლოგიკურად დავუსვი წერტილი. შევქმენიYპრეცედენტი, რომ აღარ შეიძლება ამდენი უსამართლობის ატანა. დამერწმუნეთ, საკმაოდ მკაცრად ვექცევი პირველ რიგში საკუთარ თავს, ჩემს მორალს და ალოგიკურ საქციელს არ დავუშვებ, მაგრამ ამ პერიოდში კახეთში მოხდა სტიქიური უბედურება და მომეცა საშუალება, დავხმარებოდი ჩემს ხალხს. ბევრი დამეთანხმება, რომ აქამდეც მიმიღია მსგავს ღონისძიებებში მონაწილეობა, თუმცა ყოველთვის ვცდილობდი არ გამეხმაურებინა. თანხა ბიუჯეტში იმიტომ შევიტანე, რომ რეალურად უჭირდა ჩემს საყვარელ კუთხეს _ კახეთს. მიზანი იყო ერთი, არ მიმეცა ხელისუფლებისთვის სპეკულირების საშუალება, არ ჰქონოდათ სათქმელი, რომ ბიუჯეტში არ მოიძებნება შესაბამისი სახსრები. თუმცა რამდენიც არ უნდა ვიძახო და ვამტკიცო, რომ ამას არჩევნებთან არავითარი კავშირი არ აქვს, ვისაც უნდა, მაინც დაუკავშირებს. უბრალოდ ჩემი ცხოვრების წესს თუ შეხედავთ, მიხვდებით, რომ ხალხის დახმარება ჩემთვის პირველი პრეცედენტი არ არის და ამას აქამდე ყოველგვარი ხმაურის გარეშე ვაკეთებდი. დღეს ვარ პოლიტიკაში, ასე მგონია, რომ ყველაზე მეტად ეს სჭირდება ჩემს ქვეყანას და სწორედ ამიტომ გავხდი იძულებული ამ საკითხებზე განმარტებები გამეკეთებინა. რა თქმა უნდა, ჭკვიანური ნაბიჯი არ იქნებოდა, ჯარიმას თუ გადავიხდიდი და ბანკის დაბრუნებაზე პრეტენზიას არ განვაცხადებდი. იმაზე ყურების მობმა, რომ თანხა ვითომ კახელების დასახმარებლად კი არა, ბანკის დასაბრუნებლად გადაირიცხა, ალოგიკურია. მინდა ამ თემაზე უფრო კონკრეტულად ვისაუბრო. `ქართუ ბანკის~ დანიშნულება თავიდანვე ქვეყნის დახმარება იყო და არა ბიზნესის კეთება. უნდა შექმნილიყო საინვესტიციო ბანკი, რათა მოსახლეობას დაბალპროცენტიანი კრედიტების შესაძლებლობა ჰქონოდა, მაგრამ საქართველოში ისეთი ეკონომიკური პრობლემები და ზოგადად ეკონიმიკაა, რომ ბანკმა რეალურად ვერ შეასრულა თავისი ფუნქცია. მხოლოდ სამასი მილიონის გაცემა მოახერხა, წარმოიდგინეთ, ყველას ფული აკლია, ფული არ აქვს ხალხს, რომ წარმოება დაიწყოს, მაგრამ მასზე მოთხოვნილებაც არ არის, რადგან ბიზნესი მაფიურად და მონოპოლიურად იმართება. როდესაც ხელისუფლებამ ბანკი დააყადაღა, მათი მიზანი ფაქტობრივად ჯარიმის ამოღება უნდა ყოფილიყო, თუმცა რაც ამ პერიოდში ბანკში ჩაიდინეს, აბსოლუტურად კრიმინალური საქციელია. დროებითმა მმართველმა გაუგებარ ორგანიზაციებზე ორმოცდაათი მილიონი კრედიტის გაცემა გადაწყვიტა, ნახევარი მილიონი კი თანამშრომლებზე პრ