რუსეთი აღარ ითხოვს უკრაინის დენაციფიკაციას და ამასთანავე, თანახმაა, რომ უკრაინა გახდეს ევროკავშირის წევრი იმ პირობით, რომ ის არ შეუერთდება სამხედრო ალიანსებს.

ინფორმაციას აღნიშნულთან დაკავშირებით გამოცემა Financial Times-ი ავრცელებს.

გამოცემის ცნობით, სავარაუდო შეთანხმებაში მოიაზრება, უკრაინის მხრიდან ჩრდილოატლანტიკურ ალიანსში გაწევრიანებაზე უარის თქმა, რუსეთისთვის უსაფრთხოების გარანტიების სანაცვლოდ.