აშშ-ის პრეზიდენტმა, ჯო ბაიდენმა უკრაინისათვის დახმარების ახალი
პაკეტი გამოაცხადა.
ინფორმაციას ამის შესახებ ტელეკომპანია CNN-ი ავრცელებს.
ბაიდენის თქმით, დახმარების ახალი პაკეტის ფარგლებში, უკრაინა ახალ
შესაძლებლობებსა და მოწინავე შეიარაღებას მიიღებს, მათ შორის
საარტილერიო სარაკეტო სისტემა HIMARS-ს.
„უსაფრთხოების სფეროში ახალ მნიშვნელოვან პაკეტს ვაცხადებ უკრაინელი
სამხედროებისთვის დროული და მნიშვნელოვანი დახმარების
უზრუნველსაყოფად. უკრაინისათვის დამატებითი დაფინანსების წყალობით,
რომელიც აშშ-ის კონგრესმა ორპარტიული მხარდაჭერით მიიღო, აშშ შეძლებს
უკრაინას მიაწოდოს მეტი იარაღი, რომელსაც ისინი ასე ეფექტურად
იყენებენ რუსული თავდასხმების მოსაგერიებლად“, -
განაცხადა აშშ-ს პრეზიდენტმა.
დახმარების ახალი პაკეტი ასევე მოიცავს საჰაერო სათვალთვალო რადარებს,
ჯაველინის ტანკსაწინააღმდეგო შეიარაღებას, ჯავშანსაწინააღმდეგო
შეიარაღებას, საარტილერიო ჭურვებს, ვერტმფრენებს, ტაქტიკურ მანქანებსა
და სათადარიგო ნაწილებს.
მასალის გამოყენების პირობები