პოლიტიკა
სახალხო დამცველი „შეკრებებისა და მანიფესტაციების შესახებ“ კანონში დაგეგმილ ცვლილებებს ეხმიანება
საქართველოს სახალხო დამცველი, ლევან იოსელიანი პარლამენტში
„შეკრებებისა და მანიფესტაციების შესახებ“ საქართველოს კანონში
დაგეგმილ ცვლილებებს ეხმიანება. მისი შეფასებით,
წარმოდგენილი პროექტით სახეზეა გამოხატვის/შეკრების თავისუფლებაში
ინტენსიური ჩარევა, რომელიც ზღუდავს აზრის გამოხატვას დროებითი
კონსტრუქციების (მაგალითად, კარვის) გამოყენებით.
„დემოკრატიულ საზოგადოებაში გამოხატვის თავისუფლების ამგვარი ინტენსიური შეზღუდვა შესაძლებელია გამართლდეს მხოლოდ მნიშვნელოვანი, წონადი ინტერესის დაცვის საჭიროებით, რაც წარმოდგენილი კანონპროექტით არ იკვეთება.
ცვლილებებით აიკრძალება შეკრებისა და მანიფესტაციის მონაწილეების მიერ დროებითი კონსტრუქციების მოწყობა 5 შესაძლო საფუძვლით, რაც სახალხო დამცველის აზრით, არ არის საკმარისი, პროექტით წარმოდგენილი შეზღუდვების დასაწესებლად.“ - აღნიშნულია სახალხო დამცველის აპარატის მიერ გავრცელებულ განცხადებაში.
ლევან იოსელიანის განმარტებით, მოქმედი ნორმები უკვე ითვალისწინებს ასეთი საფრთხეების შემთხვევაში, შესაბამისი რეაგირების შესაძლებლობას და ამ კუთხით დამატებითი აკრძალვების დაწესების საჭიროება არ არსებობს. მითუმეტეს, რომ კანონპროექტი ფართო ინტერპრეტაციის შესაძლებლობას იძლევა.
სახალხო დამცველის სრული განცხადება იხილეთ ბმულზე.
„დემოკრატიულ საზოგადოებაში გამოხატვის თავისუფლების ამგვარი ინტენსიური შეზღუდვა შესაძლებელია გამართლდეს მხოლოდ მნიშვნელოვანი, წონადი ინტერესის დაცვის საჭიროებით, რაც წარმოდგენილი კანონპროექტით არ იკვეთება.
ცვლილებებით აიკრძალება შეკრებისა და მანიფესტაციის მონაწილეების მიერ დროებითი კონსტრუქციების მოწყობა 5 შესაძლო საფუძვლით, რაც სახალხო დამცველის აზრით, არ არის საკმარისი, პროექტით წარმოდგენილი შეზღუდვების დასაწესებლად.“ - აღნიშნულია სახალხო დამცველის აპარატის მიერ გავრცელებულ განცხადებაში.
ლევან იოსელიანის განმარტებით, მოქმედი ნორმები უკვე ითვალისწინებს ასეთი საფრთხეების შემთხვევაში, შესაბამისი რეაგირების შესაძლებლობას და ამ კუთხით დამატებითი აკრძალვების დაწესების საჭიროება არ არსებობს. მითუმეტეს, რომ კანონპროექტი ფართო ინტერპრეტაციის შესაძლებლობას იძლევა.
სახალხო დამცველის სრული განცხადება იხილეთ ბმულზე.
მასალის გამოყენების პირობები