თვითმმართველობა
2014 წლის წინასაარჩევნო დაპირებების რეალური შედეგები გურჯაანში [Video]
PLAYER_GET_VIDEOFLASH
სულ მალე, 2017 წლის ოქტომბერში, ადგილობრივი თვითმმართველობის მორიგი არჩევნები იგეგმება. „სპექტრი“ დაინტერესდა, გურჯაანის მუნიციპალიტეტის ხელმძღვანელობამ 4 წლის მანძილზე რომელი დაპირებები შეასრულა და რა დარჩა დღემდე გადაუჭრელ პრობლემად.

სოფლებში შიდა და სავარგულებამდე მისასვლელი გზების მოასფალტება; გურჯაანის 24-საათიანი წყალმომარაგება; კაჭრეთის, ზემო კაჭრეთის, ვაზისუბნის, ახაშნის, სოფელ გურჯაანის, კალაურის, კარდენახის, კოლაგისა და ჩუმლაყის - სასმელი წყლის შიდა ქსელების რეაბილიტაცია; ახაშნის, ვაჩნაძიანისა და კახიფარის გაზიფიცირება, ასევე ხილისა და ყურძნის გადამამუშავებელი 8 საწარმოს ამუშავება, - ეს იმ დაპირებების ჩამონათვალია, რომლის შესახებაც გია გერგიძემ წინასაარჩევნოდ „სპექტრთან“ ინტერვიუში ისაუბრა.

შესრულებული და შესასრულებელი სამუშაოების გადამოწმება, მოსახლეობის დახმარებით ვცადეთ. რა გაკეთდა ბოლო სამი წლის განმავლობაში - ამ კითხვით „სპექტრმა“ რამდენიმე სოფლის მოსახლეობა შემთხვევითი შერჩევის პრიციპით გამოკითხა.
„მხოლოდ სანიაღვრეები მოაწყეს გასულ წელს, ისიც ნაწილობრივ. ვითომ გზა უნდა გაეკეთებინათ, მაგრამ რაც არის, ისიც ინგრევა. ამბობენ, უკვე დაპროექტებულიაო და ვნახოთ, რა იქნება,“- გვითხრა კაჭრეთის მკვიდრმა შოთა ბაცანაძემ.

პრობლემებზე საუბრობენ სოფელ ჩუმლაყშიც. როგორც ადგილობრივები გვიყვებიან, წყლის მოტანა დღემდე შორიდან უწევთ.
„წყალი გვაქვს სოფელში, მაგრამ სათავეს არ ასუფთავებენ და ისეთი მღვრიეა, ვერაფერში ვიყენებთ. ორი კილომეტრის გავლა გვიწევს, რომ სასმელი წყალი მაინც მოვიმარაგოთ,“- ამბობს მარგო ორთოიძე. ვეჯინის მოსახლეობა გზის პრობლემაზე საუბრობს, მათი თქმით, თუკი საკითხი დროულად არ გადაიჭრება, ცენტრალურ მაგისტრალს გადაკეტავენ.

როგორ შესრულდა 2014 წლის წინასაარჩევნო დაპირებები? - ამ კითხვით საკრებულოს ოპოზიციონერ დეპუტატებსაც მივმართეთ.
„უნდა შექმნილიყო ათეულობით ქარხანა, დაგებულიყო ახალი გზები, მოწესრიგებულიყო სავარგულებთან მისასვლელი გზა, გაზიფიცირება, წყალმომარაგება და ა.შ თუმცა, ყველაფერი იმ ნიშნულზეა გაჩერებული, როგორც აქამდე იყო. გერგიძის ადმინისტრაციამ რაც მოახერხა, არის ის, რომ გურჯაანში 2002 წლის შემდეგ გაჩნდა ტერმინი - კორუფცია, პირველი შემთხვევა იყო, როცა გამგეობის თანამშრომელმა ქრთამი აიღო. რამდენჯერმე მოხდა ადგილობრივი ბიუჯეტის სეკვესტრირება, იმ თანამშრომლების ხელფასების შეკვეცა, რომლებიც იღებდნენ 100-120 ლარს. ამის ფონზე მათ არ უთქვამთ უარი პრემიებსა და დანამატებზე. დაპირებების შესრულების მაგივრად, გერგიძე წარმატებული იყო ოპონენტების დევნაში. მისი ხელმძღვანელობის პერიოდში რამდენჯერმე განხორციელდა თავდასხმა „ნაციონალური მოძრაობის “ ოფისზე. საერთო ჯამში, ეს არის კორუფციით, ნეპოტიზმით გაჯერებული მმართველობის ხანის დასასრული. ეს ადამიანი აბსოლუტურად არაადეკვატური იყო იმ მოთხოვნების მიმართ, რომელიც უჩნდებოდათ ჩვენს თანამემამულეებს. მან შეასრულა მხოლოდ საკუთარი თავისთვის მიცემული დაპირება - ბევრად უფრო მდიდარი მიდის გამგებლის პოსტიდან, ვიდრე იყო და ბევრად უფრო ღარიბია ხალხი მისი მოსვლის შემდგომ. აი, ეს არის ყველაზე ზუსტი შეფასება მისი დაპირებებისა და ოთხწლიანი მოღვაწეობისა.“ - ამბობს „ნაციონალური მოძრაობის“ დეპუტატი თემურ ბუწაშვილი.

საკრებულოს დეპუტატი „თავისუფალი დემოკრატების“ თავმჯდომარე დავით ჭუნიაშვილი ფიქრობს, რომ ოთხი წლის განმავლობაში რაღაც დაპირებები შესრულდა, რაღაც კი - არა.
„ 2014 წლის არჩევნების წინ, ქართული ოცნების მაშინდელი კანდიდატის დაპირებები ნაწილობრივ შესრულდა. თუმცა არ ვთვლი, რომ საკმარისია. ჩემი აზრით, უფრო მეტის გაკეთებაც შეიძლებოდა. ხშირად, საარჩევნო კამპანიის დროს, დაპირებები სურვილებს უფრო ჰგავს ვიდრე განსახორციელებელ პროგრამებს. რაც შეეხება კონკრეტულ შემთხვევებს: სავარგულებამდე მისასვლელ გზების მოხრეშვა და კორექტირება ხდება, მაგრამ რა თქმა უნდა, ასფალტი უკეთესია. რაც შეეხება 24-საათიან წყალმომარაგებას, ამაზე რეალურად იყო საუბრები, თუმცა არ შესრულებულა. სასმელი წყლის ქსელების რებილიტაციის კუთხით, როგორც ვიცი, სერიოზული ნაბიჯები გადაიდგა, პროგრესი ნამდვილად არის, თუმცა გასაკეთებელიც კიდევ ბევრია. გაზიფიცირების პრობლემა გარკვეულ სოფლებში მოხსნილია.  რაც შეეხება გადამამუშავებელ საწარმოებს, 2014 წლის გაზაფხულზე გაიხსნა ჩუმლაყის გადამამუშავებელი ქარხანა და ასკანელების ღვინის ქარხანა, ისე უკეთესი იქნებოდა, ამ კუთხით უფრო სერიოზული ნაბიჯები გადადგმულიყო.“

გურჯაანის მუნიციპალიტეტის გამგებელს გია გერგიძეს ვთხოვეთ ადგილობრივი თვითმამართველობის არჩევნების წინ თავადვე შეეფასებინა, 4-წლიანი მმართველობის პერიოდი. თუმცა მან ჩვენთან საუბარი არ ისურვა. გამგებლის პოზიცია პრესასთან და საზოგადოებასთან ურთიერთობის სამსახურის უფროსმა ზვიად ბიაშვილმა დააფიქსირა: „არჩევნებამდე ხუთი თვე კიდევ არის დარჩენილი და ამ პერიოდში ბევრი რამის გაკეთება შეიძლება. ამ ეტაპზე კომენტარს არ ვაკეთებ.“





| Print |  E-mail
FaceBook Twitter Google
ამავე კატეგორიაში
სახელმწიფო აუდიტის სამსახურმა, ლაგოდეხის მუნიციპალიტეტის 2017-2018
წლების ბიუჯეტით გათვალისწინებული პროგრამების შესაბამისობის აუდიტის
ანგარიში გამოაქვეყნა.
სახელმწიფო აუდიტის სამსახურმა, ლაგოდეხის მუნიციპალიტეტის 2017-2018 წლების ბიუჯეტით გათვალისწინებული პროგრამების შესაბამისობის აუდიტის ანგარიში გამოაქვეყნა.
13:25 / 29.01.2020
გურჯაანის მუნიციპალიტეტის მერის მოადგილემ ნიკა გეთიაშვილმა
თანამდებობა დატოვა.
გურჯაანის მუნიციპალიტეტის მერის მოადგილემ ნიკა გეთიაშვილმა თანამდებობა დატოვა.
10:28 / 27.12.2018
თელავის მუნიციპალიტეტის სოფელ რუისპირის შიდასაუბნო გზების
მოასფალტების თანხა, ორი სოფლის სტადიონის კეთილმოწყობას
მოხმარდება. 
თელავის მუნიციპალიტეტის სოფელ რუისპირის შიდასაუბნო გზების მოასფალტების თანხა, ორი სოფლის სტადიონის კეთილმოწყობას მოხმარდება. 
14:42 / 23.04.2018
გურჯაანის მუნიციპალიტეტის მერმა არჩილ ხანდამაშვილმა, განყოფილებისა
და სამსახურის უფროსები, ასევე სოფლებში მერის წარმომადგენლები
წარადგინა, რომლებიც კონკურსის წესით დაინიშნენ.
გურჯაანის მუნიციპალიტეტის მერმა არჩილ ხანდამაშვილმა, განყოფილებისა და სამსახურის უფროსები, ასევე სოფლებში მერის წარმომადგენლები წარადგინა, რომლებიც კონკურსის წესით დაინიშნენ.
16:20 / 30.03.2018
სამართალი
ყვარელში, ქალაქის ცენტრალურ ქუჩაზე, BMW- ს მარკის ავტომობილის ძღოლმა საჭე ვერ დაიმორჩილა,  გზის სავალი ნაწილიდან გადავიდა და ხეს შეეჯახა.
19:43 / 16-02-2021
ყვარლის მუნიციპალიტეტის სოფელ შილდაში მსუბუქი ავტომანქანის მძღოლმა საჭე ვერ დაიმორჩილა, გზის სავალი ნაწილიდან გადავიდა, რამდენჯერმე ამობრუნდა და შემდეგ ხეს შეეჯახა.
15:51 / 16-02-2021
კახეთის პოლიციის დეპარტამენტის ხუთ რაიონულ სამმართველოს ახალი უფროსი ჰყავს. ახმეტის, დედოფლისწყაროსა და ლაგოდეხის გარდა ხელმძღვანელები ყველგან შეიცვალნენ.
14:15 / 12-02-2021
ეკონომიკა
გურჯაანი-ზიარის დამაკავშირებელი გზის რეაბილიტაცია აქტიურად მიმდინარეობს. პროექტის ფარგლებში 6-კილომეტრიანი მონაკვეთი მოასფალტდება და მეწყერსაშიშ ზონებში ნაპირსამაგრი სამუშაოები განხორციელდება.
14:05 / 11-02-2021
კახეთის მხარეში სახელმწიფო რწმუნებულის მოვალეობის შემსრულებელი, ირაკლი შიოშვილი და გურჯაანის მუნიციპალიტეტის მერი, არჩილ ხანდამაშვილი გურჯაანის მუნიციპალიტეტში, სოფელ გურჯაანში საბავშვო ბაღის სარეაბილიტაციო სამუშაოებს ადგილზე გაეცნენ.
14:16 / 03-02-2021
სხვა ამბები
ეს კომიტეტი იქნება პლატფორმა, სადაც კერძო სექტორს შეეძლება თუნდაც მარეგულირებელთან საუბარი კონკრეტულ ინიციატივებზე. მინდა გთხოვოთ მაქიმალური ჩართულობა ნებისმიერი კანონპროექტის განხილვისას, რადგან ასე იქნება შესაძლებელი, მაქსიმალურად ყველას ინტერესების დაცვით განხორციელდეს ნებისმიერი რეფორმა.
14:32 / 02-03-2021
მინდა შევეხო პანდემიის შედეგებთან ბრძოლასა და ქვეყნის ეკონომიკის სწრაფი აღდგენის საჭიროებას, რომელიც სასიცოცხლოდ მნიშვნელოვანია სხვადასხვა სფეროს ბიზნესის წარმომადგენლებისთვის.
15:51 / 23-02-2021
მმართველმა გუნდმა პრემიერ-მინისტრის თანამდებობაზე ირაკლი ღარიბაშვილის კანდიდატურა წარადგინა. ამის შესახებ „ქართული ოცნების“ ოფისში გამართულ ბრიფინგზე პარტიის თავმჯდომარემ, ირაკლი კობახიძემ განაცხადა.
17:14 / 18-02-2021
პარლამენტმა ნიკა მელიას სადეპუტატო იმუნიტეტის შეჩერებას მხარი დაუჭირა. კანონმდებლებმა საკუთარი გადაწყვეტილებით, პროკურატურას თანხმობა მისცეს, მელიას მიმართ აღკვეთის ღონისძიებად პატიმრობის გამოყენებაზე სასამართლოს მიმართოს. შესაბამისი დადგენილება 88 ხმით მიიღეს.
16:27 / 16-02-2021
ქალაქ გურჯაანის პირველი საჯარო სკოლის პირველ და მეექვსე კლასში კორონავირუსის შემთხვევები დაფიქსირდა, ამიტომ კლასები ჰიბრიდულ სწავლებაზე გადავიდნენ.
13:22 / 16-02-2021
ანონსი
სარეაბილიტაციო სამუშაოების გამო, 5 მარტს ელექტროენერგიის მიწოდება შეეზღუდება „ენერგო-პრო ჯორჯია“-ს აბონენტების ნაწილს
17:06 / 04-03-2021
ტესტი
20 ივნისს "საქართველოს ხმად" აღიარებული ჰამლეტ გონაშვილის დაბადების დღეა.  სახალხო მოლექსე და  ქართველთა მიერ „საქართველოს ხმად“ აღიარებული მომღერალი 1928 წელს სიღნაღის რაიონში დაიბადა.
10:49 / 20-06-2020
ვალუტა
EUR
EUR
1
3.9640
USD
USD
1
3.3202
GBP
GBP
1
4.5835
TRY
TRY
1
0.4418
RUB
RUB
100
4.4518
ამინდი
გურჯაანი -2 / 4 °C
img
საგარეჯო -6 / -1 °C
img
დ.წყარო -3 / 2 °C
img
სიღნაღი -2 / 7 °C
img
ლაგოდეხი -3 / 7 °C
img
ყვარელი -2 / 4 °C
img
თელავი -4 / 1 °C
img
ახმეტა -6 / 3 °C
img
კალენდარი
«« მარტი 2021 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1234

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.