გურჯაანის მუნიციპალიტეტში რეგიონალური განვითარების ფონდიდან 27
პროექტი დაფინანსდა. ტენდერები უკვე დასრულების ეტაპზეა.
როგორც speqtri.ge-ს მერიის ინფრასტრუქტურის სამსახურის უფროსმა,
რამაზ ქიტიაშვილმა განუცხადა, ეს მოიცავს რეგიონული განვითარების
ფონდიდან 4 მილიონ 810 000 ლარს, 5 % თანადაფინანსება კი, მერიის
ვალდებულებაა, რაც მთლიანობაში 6 მილიონ 661 000 ლარს შეადგენს.
"27 პროექტია ჯამში, რაც მოიცავს სპორტული მოედნებისა და გასართობი
სივრცეების მოწყობას, მოეწყობა 6 ჭაბურღილი, მოხდება გზების
რეაბილიტაცია, მოასფალტდება ქალაქ გურჯაანში კორპუსის ეზოები.
პროექტები განხორციელდება როგორც ქალაქში, ასევე სოფლებში. ტენდერები
უკვე დამთავრების სტადიაზეა. წლის განმავლობაში რეგიონალური
განვითარების ფონდიდან, ახალი განკარგულებით სხვა
პროექტებიც დაფინანსდება,"-აღნიშნა რამაზ
ქიტიაშვილმა.
მისივე ინფორმაციით, სამუშაოები მარტის თვიდან დაიწყება.
მასალის გამოყენების პირობები