რეკლამა
რჩევები გასტრიტის პრევენციისათვის ფრანგული სამედიცინო ცენტრი კახეთი-იონისგან
თანამედროვე ადამიანების ცხოვრებისა და კვების რეჟიმს თუ გადავავლებთ თვალს, მივხვდებით, რატომ იქცა კუჭის ტკივილი დიდი რაოდენობით ადამიანის ყოველდღიური ცხოვრების განუყოფელ ნაწილად. კუჭის დაავადებების ერთ-ერთი მიზეზი არასწორი კვებაა. ამ რამოდენიმე ხნის წინ კი მთავარ დამნაშავეს, პილორუსის ჰელიკობაქტერიას, მიაგნეს. გასტრიტი კუჭის ამომფენი ლორწოვანი გარსის ანთებაა. ნორმაში კუჭის ამომფენი გარსის ლორწოს სქელი ფენა ფარავს და კუჭის წვენის დამაზიანებელი ზემოქმედებისგან იცავს. როცა კუჭის ლორწოვანი გარსი ანეთებადია, მცირდება კუჭის დამცავი ნივთიერებების და ლორწოს გამოყოფა.

გასტრიტი მწვავეც შეიძლება იყოს და ქრონიკულიც. მწვავე გასტრიტი უეცრად იწყება და ცოტა ხანი გრძელდება, ქრონიკული კი ხანგრძლივი პრობლემაა, შეიძლება მთელი სიცოცხლე გასტანოს. განასხვავებენ გასტრიტის ეროზიულ და არაეროზიულ ფორმებს.

ეროზიული გასტრიტის დროს კუჭის ამომფენი გარსი ზიანდება, მასზე ჩნდება მცირე ზომის ზედაპირული ნახეთქები - ეროზიები ან უფრო ღრმა დეფექტები - წყლულები.

არაეროზიული გასტრიტი მხოლოდ ლორწოვანის ანთებაა.
გასტრიტის გამომწვევი პილორუსის ჰელიკობაქტერიის გარდა შეიძლება იყოს ანთების საწინააღმდეგო არასტეროიდული საშუალებები, ალკოჰოლი, სტრესი, რადიაცია, ვირუსული ინფექცია (ციტომეგალოვირუსი), სისხლძარღვოვანი დაზიანება, კუჭის ლორწოვანის მექანიკური დაზიანება.

დაავადებისთვის დამახასიათებელია შემდეგი სახის სიმპტომები: მუცლის ზედა ნაწილში მწვავე ტკივილის გაჩენა ან გაქრობა საკვების მიღების დროს, ბოყინი, გულისრევა, ღებინება, მეტეორიზმი, მადის დაქვეითება.კუჭის ტკივილი არის ეპიგასტრიუმის არეში, რომელიც იწყება ჭამიდან 5-15 წუთის შემდეგ, თორმეტგოჯა ნაწლავის წყლულისთვის დამახასიათებელია რითმული ტკივილი ჭამამდე, რომელიც იხსნება საკვების ან ანტაციდების მიღების შემდეგ, ე.წ. „მშიერი ტკივილი“, ტიპიურია ღამის ტკივილიც.

კუჭის და თორმეტგოჯა ნაწლავის პათოლოგიის დიაგნოსტიკისთვის საჭიროა:
ეზოფაგოგასტროდუოდენოსკოპია, კუჭის ბიოფსია, კუჭის სეკრეციის გამოკვლევა, სისხლის კლინიკური ანალიზი, რენტგენოგრაფია ბარიუმის ფაფით. დაავადების მკურნალობა მოიცავს წამლებს, რომლებიც ახდენენ კუჭის მჟავიანობის ნორმალიზებას, პრეპარატებს, რომლებიც აღადგენენ კუჭის ლორწოვან გარსს, ანტიბაქტერიულ თერაპიას. გასტრიტის განვითარებასა და დაავადების გამწვავებაში საკვები რაციონი ერთ-ერთ მნიშვნელოვან ფაქტორს წარმოადგენს. გამომწვევი შეიძლება იყოს მჟავე, მწარე, ცხარე პროდუქტი, სწრაფი კვების ობიექტებში დამზადებული საკვები, შებოლილი პროდუქტი, კონსერვები, ასევე ენერგეტიკული სასმელი, ზოგიერთი გამაგრილებელი გაზიანი სასმელი, ალკოჰოლი. გასტრიტის პრევენციისთვის საჭიროა ცხოვრების ჯანსაღი წესის დაცვა, კვების რეჟიმის მოწესრიგება, ხშირად მცირე ულუფებით კვება, მორიდება ისეთ მავნე ფაქტორებთან, როგორიცაა: თამბაქო, ალკოჰოლი, არაჯანსაღი საკვები პროდუქტები.



[R]

| Print |
FaceBook Twitter Google