ჯანმრთელობისთვის საშიში პროდუქტების დამზადება-რეალიზაციისთვის ორი პირი დააკავეს
საქართველოს ფინანსთა სამინისტროს საგამოძიებო სამსახურმა,
ფალსიფიკაციისა და ადამიანის სიცოცხლისა და ჯანმრთელობისათვის საშიში
პროდუქციის დამზადება - რეალიზაციის ფაქტზე, ორი პირი სისხლის
სამართლის პასუხისგებაში მისცა.
საქმეზე ჩატარებული გამოძიებით დადგინდა, შპს „ფასანაური 2010“-ის
დირექტორი იაგო ბიჩინაშვილი და ი/მ „თეონა ბუხრაძის“ ხელმძღვანელი,
ნიკოლოზ ბუთხუზი სანიტარული ნორმების დარღვევით, კუსტარულად მოწყობილ
საწარმოებში ახდენდნენ ჯანმრთელობისათვის საშიში, ფალსიფიცირებული
ნახევარფაბრიკატების - კატლეტის, აფხაზურას, ხინკლის, ტოლმას, ბლინის,
ფარშისა და ქაბაბის დამზადებას და შემდგომში მის რეალიზაციას.
აღნიშნულ საქმეზე საგამოძიებო მოქმედებები მიმდინარეობს საქართველოს
სისხლის სამართლის კოდექსის 197-ე და 198-ე მუხლით, რაც სასჯელის
ითვალისწინებს თავისუფლების აღკვეთას ვადით 3-დან 5 წლამდე.
მასალის გამოყენების პირობები