საქართველოს ფინანსთა სამინისტროს საგამოძიებო სამსახურის
თანამშრომლებმა, საქონლის აქციზური მარკის გარეშე გადაზიდვა -
რეალიზაციის ფაქტზე, ორი პირი დააკავეს.
უწყების ინფორმაციით, აღნიშნული პირები, ქალაქ გორში ახორციელებდნენ
აქციზური მარკის სავალდებულო დართვას დაქვემდებარებული ალკოჰოლური
სასმელების - 149 ბოთლი კონიაკი “HENNESSY XO” - სა და 6 ბოთლი ვისკის
“ JACK DANIELS” - ის აქციზური მარკის გარეშე რეალიზაციას.
საგამოძიებო მოქმედებების შედეგად, ამოღებულია უაქციზო ალკოჰოლური
სასმელი, რომლის ღირებულება 46 460 ლარს შეადგენს.
საქმეზე მიმდინარეობს გამოძიება საქართველოს სისხლის სამართლის
კოდექსის მე - 200 მუხლის მესამე ნაწილით, რაც ითვალისწინებს
თავისუფლების აღკვეთას 6 - დან 8 წლამდე ვადით.
მასალის გამოყენების პირობები